Mádeniet jáne sport ministri Aqtoty Raiymqulova týrizmdi jandandyrý baǵytyndaǵy naqty mindetterdi atady, dep habarlaidy "Ult aqparat".
«Pandemiia jaǵdaiynda ishki týrizmniń qanshalyqty suranysqa ie bolatynyna kózimiz jetti. Bul jaǵdaida daǵdarysty problema retinde ǵana emes, ony biz jańa múmkindikter retinde qarastyrýymyz kerek. Memlekettiń mindeti – týrizm nysandarynda qajetti infraqurylym damytý jáne biznes úshin qolaily investitsiialyq jaǵdaidy qamtamasyz etý. Bul baǵytta birqatar shara qabyldandy», - dedi Raiymqulova ministrliktiń alqa májilisinde.
Ministrdiń aitýnysha týristik qoǵam, jergilikti atqarýshy organdar úshin óńirlerdiń geografiialyq jáne tarihi-mádeni erekshelikterin eskere otyryp, jańa ulttyq týristik ónimderdi ázirleý mańyzdy mindetterdiń birine ainalýy tiis. Bul týristik ónimder ishki ǵana emes, sheteldik týristerdiń qyzyǵýshylyǵyn arttyrýǵa baǵyttalýy kerek.
«Kelesi mańyzdy mindetterdiń biri - týristik qyzmetterdiń eksporty men importy arasyndaǵy alshaqtyqty azaitý. «Qazaqtýrizm» ulttyq kompaniiasy osy týrónimderdiń agregatoryna ainalýǵa tiis», - dedi ol.
Ministrdiń sózinshe, aldaǵy ýaqytta kelesi mindetterge qol jetkizý josparlanyp otyr:
1) jalpy investitsiia kólemi 1,1 trln teńge jáne 22 myń jumys ornyn qurý;
2) jergilikti atqarýshy organdarmen birlesip, negizgi týristik destinatsiialarda injenerlik infraqurylymdy qarjylandyrýdy qamtamasyz etý;
3) ishki týristerdiń 4,5 myń adamǵa deiin ósýin qamtamasyz etý (2020 jylǵa qarai+22% );
4) jańa redaktsiiadaǵy salalyq zań qabyldanǵannan keiin zańǵa táýeldi aktilerdi ázirleý jáne bekitý;
5) Ekologiia, geologiia jáne tabiǵi resýrstar ministrligimen birlesip, ulttyq parkterde týristik infraqurylymdy damytý máselesin pysyqtaý;
6) E-Qonaq aqparattyq júiesin engizý;
7) Qazaqstannyń týristik áleýetin ishki naryqta da, syrtqy naryqta da ilgeriletý boiynsha imidjdik is-sharalar ótkizý.
