2020 jylǵy qańtar-aqpanda elimizde turǵyn úidi satyp alý-satý boiynsha 44 643 mámile jasaldy. Bul jaiynda QR UEM Statistika komitetinen málim etti.
«2020 jylǵy aqpanda turǵyn úidi satyp alý-satýdyń tirkelgen mámileleriniń sany 22 977 qurady jáne ótken aimen salystyrǵanda 6,1 paiyzǵa artty. 2020 jylǵy qańtar-aqpanda turǵyn úidi satyp alý-satý mámileleriniń sany ótken jylǵy tiisti kezeńmen salystyrǵanda 11,8 paiyzǵa ósti», - delingen komitet aqparatynda.
Vedomstvo málimetinshe, kópqabatty turǵyn úilerden páter satyp alý-satý mámileleriniń basym bóligi Almaty (3 845), Nur-Sultan (3 027) qalalarynda jáne Qaraǵandy oblysynda (2 149) tirkelgen. Al jeke turǵyn úilerdi satyp alý-satý kórsetkishi Almaty (952), Túrkistan (529) jáne Shyǵys Qazaqstan (443) oblystarynda joǵary.
