30 qazanda «Qazaqstan Respýblikasynda tehnikalyq tapsyrysshy institýtyn engizý» taqyrybynda halyqaralyq konferentsiia ótti. Onda Qazaqstan men Reseidiń jetekshi mamandary tehnikalyq tapsyrysshy jáne ózin-ózi retteý institýttaryn engizýdiń artyqshylyqtary men máselelerin talqylady.
Qazaqstandaǵy jaǵdaidy sóz etken «Qazaqstan qurylysshylary Assotsiatsiiasy» qoǵamdyq birlestiginiń prezidenti Viktor Mikriýkov memleket tarapynan qurylysshylar men tehnikalyq baqylaý qyzmetine qysym kóbeigenin aityp, qynjyldy.
«Qurylysshylarǵa da, tehnikalyq baqylaý qyzmetine de qiynǵa soǵyp jatqan nárse ol – memleket tarapynan jedel áreket etý sharalary. Aiyppuldardy ósirý arqyly qurylys qatysýshylarynyń jaýapkershiligin qatańdatyp jatyr. Sondai-aq, turǵynúi qurylysynda úleskerlikke talapty qataityp jatqanyn da aita ketý kerek. Ókinishke qarai memleket bizge jobalyq qarjylandyrý bergen joq, biraq basqa jaǵynan qatańdatýda. Iaǵni qazirgi ýaqytta jumys isteý qiynǵa soǵyp tur. Budan bólek, memlekettik portaldar arqyly qadaǵalaý da artyp keledi. Úkimet «qurylysshylar kóbirek salyq tóleýi kerek» dep salyqty ósirip jatyr. Bizdiń azamattarymyzǵa berilgen jeńildikterde olar QQS-tan bosatylǵan. Qazirgi ýaqytta jeńildikter toqtatylyp, sáikesinshe Qazaqstanda turǵynúi baǵasy qymbattaidy», -degen Viktor Mikriýkovtyń pikirinshe elde jumys istep jatqan qurylys kompaniialarynyń kóbi úkimet tarapynan bolyp jatqan qysymǵa tótep bere almaidy.
Sarapshynyń boljamy boiynsha aldaǵy 1,5-2 jylda Qazaqstanda turǵynúidiń baǵasy keminde 50 paiyzǵa qymbattap, qurylys kompaniialarynyń sany 30 paiyzǵa azaiady jáne qurylys salasynda jumys orny 15 paiyzǵa kemimek.
«Kezinde bizde jobalardy basqarý institýtynda tehnikalyq baqylaýdyń avtorlyq baqylaýyn engizgen bolatyn. Ol institýttardyń kóbi alynyp tastalǵanyn bilemiz. Reseilik áriptesimizdiń sózinen de tehnikalyq baqylaý institýttary asa qabyldanbaitynyn túsindik. Bizde de tehnikalyq baqylaý men jobany basqarýda sondai jaǵdai baiqalady. Qazaqstanda «kaznatsfinanstan» qaryz aqsha alý arqyly júzege asatyn aýqymdy jobalardyń esh birinde bizdiń adamdar joq. Onda jobalardy basqarý boiynsha bizdiń azamattar joq. Meniń túsinigimde Respýblikamyzǵa paidasyn tigizý úshin onda tek bizdiń resýrstar, bizdiń mamandar bolýy tiis», -deidi «Qazaqstan qurylysshylary Assotsiatsiiasy» qoǵamdyq birlestiginiń prezidenti.
Mamannyń sózinshe qazirgi ýaqytta eldegi tehnikalyq baqylaý esh qarajatsyz jumys istei alatynyn kórsetip otyr. Tipti arnaiy kiim men keńsesi joq mekemeler bar kórinedi.
Alaida SMART ENGINEERS holdinginiń Bas direktory, «NOTEH» Assotsiatsiiasynyń basqarma múshesi Hýsein Pliev Qazaqstan men Reseide qurylys jandanatynyn aityp, "Resei siiaqty Qazaqstanda da úkimet infrostrýktýra men óndiriske kóbirek investitsiia quiýdy kózdep otyr" deidi.
Reseilik mamandar óz sózderinde tehnikalyq baqylaý qyzmetinde kadr tapshylyǵyn atap ótti.
«Óndiristiń jumysy ózgerip, jańa obekt salýǵa alǵyshart pen eńbekti bólý ózgerip jatyr. Ol jańa jumys oryndaryn ashýǵa túrtki bola alady. Qurylysqa suranys pen maman tapshylyǵy negativti nátijege alyp kelýi múmkin.
Reseidegidei Qazaqstanda da ekonomika boiynsha mamandar tapshylyǵy bar. Kadr tapshylyǵy 100 myńnan birneshe mln-ǵa deiin jetedi dep aitady. Kadr qunynyń ósýi qurylys salasynda baǵanyń artýyna alyp keledi», -deidi Hýsein Pliev.
Forýmda mamandar Reseidiń Tehnikalyq tapsyrysshylar Ulttyq qaýymdastyǵy «NOTEH» ókilderi tehnikalyq tapsyrysshy institýtyn engizý men jumys isteý tájiribesimen de bólisti.
Qurylys jáne turǵyn úi-kommýnaldyq sharýashylyq isteri komiteti tehnikalyq tapsyrysshy institýtyn qurylys sapasyn arttyrý, jobalardyń iske asyrylý merzimderin qysqartý jáne táýekelderdi minimizatsiialaý úshin tiimdi qural retinde qarastyrady. Bul qadam Qazaqstannyń qurylys salasyn modernizatsiialaý jáne ony álemdik standarttarǵa integratsiialaý aiasyndaǵy aýqymdy baǵdarlamanyń bir bóligi ekenin aityp otyr sarapshylar.
