30 قازاندا «قازاقستان رەسپۋبليكاسىندا تەحنيكالىق تاپسىرىسشى ينستيتۋتىن ەنگٸزۋ» تاقىرىبىندا حالىقارالىق كونفەرەنتسييا ٶتتٸ. وندا قازاقستان مەن رەسەيدٸڭ جەتەكشٸ ماماندارى تەحنيكالىق تاپسىرىسشى جەنە ٶزٸن-ٶزٸ رەتتەۋ ينستيتۋتتارىن ەنگٸزۋدٸڭ ارتىقشىلىقتارى مەن مەسەلەلەرٸن تالقىلادى.
قازاقستانداعى جاعدايدى سٶز ەتكەن «قازاقستان قۇرىلىسشىلارى اسسوتسياتسيياسى» قوعامدىق بٸرلەستٸگٸنٸڭ پرەزيدەنتٸ ۆيكتور ميكريۋكوۆ مەملەكەت تاراپىنان قۇرىلىسشىلار مەن تەحنيكالىق باقىلاۋ قىزمەتٸنە قىسىم كٶبەيگەنٸن ايتىپ, قىنجىلدى.
«قۇرىلىسشىلارعا دا, تەحنيكالىق باقىلاۋ قىزمەتٸنە دە قيىنعا سوعىپ جاتقان نەرسە ول – مەملەكەت تاراپىنان جەدەل ەرەكەت ەتۋ شارالارى. ايىپپۇلداردى ٶسٸرۋ ارقىلى قۇرىلىس قاتىسۋشىلارىنىڭ جاۋاپكەرشٸلٸگٸن قاتاڭداتىپ جاتىر. سونداي-اق, تۇرعىنٷي قۇرىلىسىندا ٷلەسكەرلٸككە تالاپتى قاتايتىپ جاتقانىن دا ايتا كەتۋ كەرەك. ٶكٸنٸشكە قاراي مەملەكەت بٸزگە جوبالىق قارجىلاندىرۋ بەرگەن جوق, بٸراق باسقا جاعىنان قاتاڭداتۋدا. ياعني قازٸرگٸ ۋاقىتتا جۇمىس ٸستەۋ قيىنعا سوعىپ تۇر. بۇدان بٶلەك, مەملەكەتتٸك پورتالدار ارقىلى قاداعالاۋ دا ارتىپ كەلەدٸ. ٷكٸمەت «قۇرىلىسشىلار كٶبٸرەك سالىق تٶلەۋٸ كەرەك» دەپ سالىقتى ٶسٸرٸپ جاتىر. بٸزدٸڭ ازاماتتارىمىزعا بەرٸلگەن جەڭٸلدٸكتەردە ولار ققس-تان بوساتىلعان. قازٸرگٸ ۋاقىتتا جەڭٸلدٸكتەر توقتاتىلىپ, سەيكەسٸنشە قازاقستاندا تۇرعىنٷي باعاسى قىمباتتايدى», -دەگەن ۆيكتور ميكريۋكوۆتىڭ پٸكٸرٸنشە ەلدە جۇمىس ٸستەپ جاتقان قۇرىلىس كومپانييالارىنىڭ كٶبٸ ٷكٸمەت تاراپىنان بولىپ جاتقان قىسىمعا تٶتەپ بەرە المايدى.
ساراپشىنىڭ بولجامى بويىنشا الداعى 1,5-2 جىلدا قازاقستاندا تۇرعىنٷيدٸڭ باعاسى كەمٸندە 50 پايىزعا قىمباتتاپ, قۇرىلىس كومپانييالارىنىڭ سانى 30 پايىزعا ازايادى جەنە قۇرىلىس سالاسىندا جۇمىس ورنى 15 پايىزعا كەمٸمەك.
«كەزٸندە بٸزدە جوبالاردى باسقارۋ ينستيتۋتىندا تەحنيكالىق باقىلاۋدىڭ اۆتورلىق باقىلاۋىن ەنگٸزگەن بولاتىن. ول ينستيتۋتتاردىڭ كٶبٸ الىنىپ تاستالعانىن بٸلەمٸز. رەسەيلٸك ەرٸپتەسٸمٸزدٸڭ سٶزٸنەن دە تەحنيكالىق باقىلاۋ ينستيتۋتتارى اسا قابىلدانبايتىنىن تٷسٸندٸك. بٸزدە دە تەحنيكالىق باقىلاۋ مەن جوبانى باسقارۋدا سونداي جاعداي بايقالادى. قازاقستاندا «كازناتسفينانستان» قارىز اقشا الۋ ارقىلى جٷزەگە اساتىن اۋقىمدى جوبالاردىڭ ەش بٸرٸندە بٸزدٸڭ ادامدار جوق. وندا جوبالاردى باسقارۋ بويىنشا بٸزدٸڭ ازاماتتار جوق. مەنٸڭ تٷسٸنٸگٸمدە رەسپۋبليكامىزعا پايداسىن تيگٸزۋ ٷشٸن وندا تەك بٸزدٸڭ رەسۋرستار, بٸزدٸڭ ماماندار بولۋى تيٸس», -دەيدٸ «قازاقستان قۇرىلىسشىلارى اسسوتسياتسيياسى» قوعامدىق بٸرلەستٸگٸنٸڭ پرەزيدەنتٸ.
ماماننىڭ سٶزٸنشە قازٸرگٸ ۋاقىتتا ەلدەگٸ تەحنيكالىق باقىلاۋ ەش قاراجاتسىز جۇمىس ٸستەي الاتىنىن كٶرسەتٸپ وتىر. تٸپتٸ ارنايى كيٸم مەن كەڭسەسٸ جوق مەكەمەلەر بار كٶرٸنەدٸ.
الايدا SMART ENGINEERS حولدينگٸنٸڭ باس ديرەكتورى, «نوتەح» اسسوتسياتسيياسىنىڭ باسقارما مٷشەسٸ حۋسەين پليەۆ قازاقستان مەن رەسەيدە قۇرىلىس جانداناتىنىن ايتىپ, "رەسەي سيياقتى قازاقستاندا دا ٷكٸمەت ينفروسترۋكتۋرا مەن ٶندٸرٸسكە كٶبٸرەك ينۆەستيتسييا قۇيۋدى كٶزدەپ وتىر" دەيدٸ.
رەسەيلٸك ماماندار ٶز سٶزدەرٸندە تەحنيكالىق باقىلاۋ قىزمەتٸندە كادر تاپشىلىعىن اتاپ ٶتتٸ.
«ٶندٸرٸستٸڭ جۇمىسى ٶزگەرٸپ, جاڭا وبەكت سالۋعا العىشارت پەن ەڭبەكتٸ بٶلۋ ٶزگەرٸپ جاتىر. ول جاڭا جۇمىس ورىندارىن اشۋعا تٷرتكٸ بولا الادى. قۇرىلىسقا سۇرانىس پەن مامان تاپشىلىعى نەگاتيۆتٸ نەتيجەگە الىپ كەلۋٸ مٷمكٸن.
رەسەيدەگٸدەي قازاقستاندا دا ەكونوميكا بويىنشا ماماندار تاپشىلىعى بار. كادر تاپشىلىعى 100 مىڭنان بٸرنەشە ملن-عا دەيٸن جەتەدٸ دەپ ايتادى. كادر قۇنىنىڭ ٶسۋٸ قۇرىلىس سالاسىندا باعانىڭ ارتۋىنا الىپ كەلەدٸ», -دەيدٸ حۋسەين پليەۆ.
فورۋمدا ماماندار رەسەيدٸڭ تەحنيكالىق تاپسىرىسشىلار ۇلتتىق قاۋىمداستىعى «نوتەح» ٶكٸلدەرٸ تەحنيكالىق تاپسىرىسشى ينستيتۋتىن ەنگٸزۋ مەن جۇمىس ٸستەۋ تەجٸريبەسٸمەن دە بٶلٸستٸ.
قۇرىلىس جەنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ تەحنيكالىق تاپسىرىسشى ينستيتۋتىن قۇرىلىس ساپاسىن ارتتىرۋ, جوبالاردىڭ ٸسكە اسىرىلۋ مەرزٸمدەرٸن قىسقارتۋ جەنە تەۋەكەلدەردٸ مينيميزاتسييالاۋ ٷشٸن تيٸمدٸ قۇرال رەتٸندە قاراستىرادى. بۇل قادام قازاقستاننىڭ قۇرىلىس سالاسىن مودەرنيزاتسييالاۋ جەنە ونى ەلەمدٸك ستاندارتتارعا ينتەگراتسييالاۋ اياسىنداعى اۋقىمدى باعدارلامانىڭ بٸر بٶلٸگٸ ەكەنٸن ايتىپ وتىر ساراپشىلار.
