Qazaqstanda turǵyn úi qurylysynyń biryńǵai operatory quryldy, dep habarlaidy "Ult aqparat" «Báiterek» ulttyq basqarýshy holdingi» AQ baspasóz qyzmetine silteme jasap.
Memleket basshysy Qasym-Jomart Toqaev biylǵy 9 maýsymda «Qazaqstan Respýblikasynyń keibir zańnamalyq aktilerine turǵyn úi baǵdarlamalary operatorlarynyń sanyn qysqartý máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyna qol qoidy.
Qujat normalaryna sáikes, turǵyn úi baǵdarlamalarynyń qazirgi operatorlary «Qazaqstan ipotekalyq kompaniiasy» AQ, «Báiterek development» AQ, «Turǵyn úi qurylysyna kepildik berý qory» AQ, sondai-aq «Damý» AQ arqyly qurylys salýshylardy sýbsidiialaý quraly «Báiterek» UBH» AQ bazasynda qurylǵan Turǵyn úi qurylysynyń biryńǵai operatoryna biriktiriledi.
Bul shara jalpy ákimshilik shyǵystardy keminde 40%-ǵa azaitý esebinen biýdjet qarajatyn únemdeýge múmkindik beredi. Shtat sany da ońtailandyrylady, onyń ishinde basqarý býyny shamamen 3 esege qysqarady.
Bastapqy kezeńde Biryńǵai operator mynadai fýnktsiialardy júzege asyrady:
1) qoljetimdi turǵyn úi qurylysyn, onyń ishinde ákimdikterdiń obligatsiialaryn satyp alý tetikteri arqyly qarjylandyrý;
2) qurylysty aiaqtaýǵa kepildik berý arqyly halyqtyń úlestik salymdarynyń saqtalýyn qamtamasyz etý;
3) jeke qurylys salýshylardyń kommertsiialyq kreditteri boiynsha syiaqy mólsherlemesin sýbsidiialaý;
4) ákimdikter janyndaǵy ýákiletti uiymdarǵa, sondai-aq memlekettik baǵdarlamalar sheńberinde turǵyn úi salýdy júzege asyratyn zańdy tulǵalarǵa kredit berý;
5) investitsiialyq jobalardy qarjylandyrý jáne iske asyrý;
6) ákimdikterde kezekte turǵandar úshin satyp alý quqyǵymen jalǵa beriletin turǵyn úi berý;
7) ipotekalyq qaryzdar berý jáne ýákiletti organnyń litsenziiasy negizinde ózge de qyzmetterdi usyný.
Atalǵan sharalar «Báiterek» holdinginiń memlekettik baǵdarlamalardy tiimdi iske asyrýyna jáne singapýrlyq Turǵyn úi qurylysy jáne damý keńesi (Housing and Development Board) úlgisine kóshýine múmkindik beredi.
