قازاقستاندا تۇرعىن ٷي قۇرىلىسىنىڭ بٸرىڭعاي وپەراتورى قۇرىلدى, دەپ حابارلايدى "ۇلت اقپارات" «بەيتەرەك» ۇلتتىق باسقارۋشى حولدينگٸ» اق باسپاسٶز قىزمەتٸنە سٸلتەمە جاساپ.
مەملەكەت باسشىسى قاسىم-جومارت توقاەۆ بيىلعى 9 ماۋسىمدا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇرعىن ٷي باعدارلامالارى وپەراتورلارىنىڭ سانىن قىسقارتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى.
قۇجات نورمالارىنا سەيكەس, تۇرعىن ٷي باعدارلامالارىنىڭ قازٸرگٸ وپەراتورلارى «قازاقستان يپوتەكالىق كومپانيياسى» اق, «بەيتەرەك دەۆەلوپمەنت» اق, «تۇرعىن ٷي قۇرىلىسىنا كەپٸلدٸك بەرۋ قورى» اق, سونداي-اق «دامۋ» اق ارقىلى قۇرىلىس سالۋشىلاردى سۋبسيدييالاۋ قۇرالى «بەيتەرەك» ۇبح» اق بازاسىندا قۇرىلعان تۇرعىن ٷي قۇرىلىسىنىڭ بٸرىڭعاي وپەراتورىنا بٸرٸكتٸرٸلەدٸ.
بۇل شارا جالپى ەكٸمشٸلٸك شىعىستاردى كەمٸندە 40%-عا ازايتۋ ەسەبٸنەن بيۋدجەت قاراجاتىن ٷنەمدەۋگە مٷمكٸندٸك بەرەدٸ. شتات سانى دا وڭتايلاندىرىلادى, ونىڭ ٸشٸندە باسقارۋ بۋىنى شامامەن 3 ەسەگە قىسقارادى.
باستاپقى كەزەڭدە بٸرىڭعاي وپەراتور مىناداي فۋنكتسييالاردى جٷزەگە اسىرادى:
1) قولجەتٸمدٸ تۇرعىن ٷي قۇرىلىسىن, ونىڭ ٸشٸندە ەكٸمدٸكتەردٸڭ وبليگاتسييالارىن ساتىپ الۋ تەتٸكتەرٸ ارقىلى قارجىلاندىرۋ;
2) قۇرىلىستى اياقتاۋعا كەپٸلدٸك بەرۋ ارقىلى حالىقتىڭ ٷلەستٸك سالىمدارىنىڭ ساقتالۋىن قامتاماسىز ەتۋ;
3) جەكە قۇرىلىس سالۋشىلاردىڭ كوممەرتسييالىق كرەديتتەرٸ بويىنشا سىياقى مٶلشەرلەمەسٸن سۋبسيدييالاۋ;
4) ەكٸمدٸكتەر جانىنداعى ۋەكٸلەتتٸ ۇيىمدارعا, سونداي-اق مەملەكەتتٸك باعدارلامالار شەڭبەرٸندە تۇرعىن ٷي سالۋدى جٷزەگە اسىراتىن زاڭدى تۇلعالارعا كرەديت بەرۋ;
5) ينۆەستيتسييالىق جوبالاردى قارجىلاندىرۋ جەنە ٸسكە اسىرۋ;
6) ەكٸمدٸكتەردە كەزەكتە تۇرعاندار ٷشٸن ساتىپ الۋ قۇقىعىمەن جالعا بەرٸلەتٸن تۇرعىن ٷي بەرۋ;
7) يپوتەكالىق قارىزدار بەرۋ جەنە ۋەكٸلەتتٸ ورگاننىڭ ليتسەنزيياسى نەگٸزٸندە ٶزگە دە قىزمەتتەردٸ ۇسىنۋ.
اتالعان شارالار «بەيتەرەك» حولدينگٸنٸڭ مەملەكەتتٸك باعدارلامالاردى تيٸمدٸ ٸسكە اسىرۋىنا جەنە سينگاپۋرلىق تۇرعىن ٷي قۇرىلىسى جەنە دامۋ كەڭەسٸ (Housing and Development Board) ٷلگٸسٸنە كٶشۋٸنە مٷمكٸندٸك بەرەدٸ.
