Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine turǵyn úi baǵdarlamalary operatorlarynyń sanyn qysqartý máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaidy QazAqparat.
Zań jobasy Qazaqstan Prezidenti Qasym-Jomart Toqaevtyń Qazaqstan halqyna Joldaýyn turǵyn úi baǵdarlamalary operatorlarynyń sanyn qysqartý boiynsha iske asyrý maqsatynda ázirlengen.
«2000 jyldan jumys istep kelgen «Qazaqstan ipotekalyq kompaniiasy» AQ-nyń negizgi mindeti - ipotekalyq obligatsiialardy shyǵarý arqyly ekinshi deńgeidegi bankterdi qaita qarjylandyrý. Osylaisha, ipotekalyq qaryzdar boiynsha talap etý quqyqtaryn satyp alý jáne ipotekalyq qaǵazdar shyǵarý ekinshi deńgeidegi bankterge kredit resýrstaryn tez qaitarýdy jáne ótimdilikti, sondai-aq ipotekalyq kreditterdiń el azamattaryna qoljetimdiligin qamtamasyz etti», - dedi senator Álimjan Qurtaev.
Sonymen qatar, ol 2008 jyly qurylys salasy úshin qarjy resýrstarynyń qoljetimdiligin qamtamasyz etý maqsatynda «Báiterek development» AQ qurylǵanyn eske saldy. Búginde «Báiterek developmen» AQ negizgi qyzmeti revolverlik qarjylandyrý qaǵidaty boiynsha jergilikti atqarýshy organdardyń obligatsiialaryn satyp alý tetigi arqyly «Nurly jer» turǵyn úi-kommýnaldyq damýynyń memlekettik baǵdarlamasy aiasynda jalǵa beriletin jáne kredittik turǵyn úi qurylysyn qarjylandyrýǵa arnalǵan. Bul qosymsha resýrstar bólmei jańa qurylysty júzege asyrýǵa múmkindik beredi.
«2016 jyly turǵyn úi qurylysyndaǵy úlestik salymdardyń saqtalýyn qamtamasyz etý maqsatynda «Turǵyn úi qurylysyna kepildik berý qory» AQ qurylǵan. «Turǵyn úi qurylysyna kepildik berý qory» AQ negizgi qyzmeti - turǵyn úi qurylysyn aiaqtaýǵa kepildik berý. 2017-2019 jyldary kepildik mindettemeler kólemi 154,7 mlrd teńgeni qurady», - dedi depýtat.
Onyń atap ótýinshe, zań jobasy «Báiterek» ulttyq basqarýshy holdingi» AQ kórsetilgen enshiles uiymdarynyń qyzmetin biriktirýge, sondai-aq búgingi kúni iske asyrylyp jatqan «Damý» AQ qurylys salýshylardy sýbsidiialaý quralyn biriktirýge, qaitalanatyn fýnktsiialardy alyp tastaýǵa jáne jalpy ákimshilik shyǵystardy qysqartýǵa baǵyttalǵan.
Atap aitqanda, turǵyn úi baǵdarlamalarynyń úsh operatoryn biriktirý eskerilgen.
Sonymen qatar, zań jobasymen Biryńǵai operatordyń kelesi qyzmetteri retteledi: jergilikti atqarýshy organnyń (JAO) ýákiletti uiymdaryna, sondai-aq memlekettik baǵdarlamalar aiasynda qurylys salýshylarǵa kredit berý; jeke qurylys salýshylardyń kreditterin sýbsidiialaý.
Munymen qosa, biryńǵai operatordyń kelesi qyzmetteri bekitiledi: JAO obligatsiialaryn satyp alý tetigi arqyly qarjylandyrýdy qosa alǵanda, turǵyn úi qurylysyn qarjylandyrý jáne investitsiialyq jobalardy iske asyrý; qurylysty aiaqtaýǵa kepildik berý arqyly halyqtyń úlestik salymdarynyń saqtalýyn qamtamasyz etý; keiinnen satyp alý quqyǵymen jalǵa beriletin turǵyn úi berý.
«Zańdy qabyldaý nátijesinde Biryńǵai operator ipotekalyq kredit berý jáne jalǵa beriletin turǵyn úi berý, úlestik turǵyn úi qurylysyn damytý tetikteri, sondai-aq qurylys salasy úshin qarjy resýrstarynyń qoljetimdiligin qamtamasyz etý arqyly el halqyna turǵyn úidiń qoljetimdiligin qamtamasyz etý salasyndaǵy memlekettik saiasatty iske asyratyn bolady. Zań jobasy biýdjetten qarjy shyǵyndaryn talap etpeidi jáne teris quqyqtyq ári áleýmettik-ekonomikalyq saldarǵa ákep soqpaidy», - dedi Á. Qurtaev.
Budan buryn habarlanǵandai, atalǵan qujat biyl sáýir aiynda Parlament Májilisinde maquldandy.
Zań jobasy turǵyn úi baǵdarlamalarynyń jumys istep turǵan operatorlary «Qazaqstan ipotekalyq kompaniiasy» AQ-ny, «Báiterek development» AQ men «Turǵyn úi qurylysyna kepildik berý qory» AQ-ny Turǵyn úi qurylysynyń biryńǵai operatory etip biriktirýge baǵyttalǵan.
