1 naýryz kúni elimizde jalpyhalyqtyq mereke - Alǵys aitý kúni atalyp ótedi. «Barbang» kúrdter qaýymdastyǵynyń tóraǵasy Kniaz Mirzoev bul kúniniń mańyzdylyǵy týraly aitty, dep habarlaidy QazAqparat.
Kniaz Mirzoev Qazaqstanda turatyn 70 myńǵa jýyq kúrdter el turǵyndaryna qonaqjailylyǵy men qoldaýy úshin rizashylyqtaryn bildiretiniń atap ótti.
«Bizge barlyq jaǵdai jasaldy. Bizdiń quqyǵymyz konstitýtsiiamen qorǵalǵan. Kúrdter 1937-1944 jyldary Qazaqstanǵa jer aýdardy. Qazaq halqy bizdi jyly qabyldady, baspana berdi, moraldyq materialdyq kómek kórsetti», - deidi spiker.
Spiker kóktemniń alǵashqy kúni «raqmet» sózimen bastalatynyń jáne olar úshin erekshe mereke ekenin jetkizdi.
«1 naýryz - Qazaqstan halqy Assambleiasynyń qurylǵan kúni, Alǵys aitý kúni, buǵan qosa, kóktemniń birinshi kúni atap ótiledi. Bul kúni úide dastarhan jaiyp, qonaq shaqyryp merekeni toilaimyz», - dedi ol.
Sonymen qatar, ol uly dalaǵa qonys aýdarǵan ózge etnos ókilderi qazaq halqyna riza ekenin tilge tiek etti.
«Bizdiń balalarymyz Qazaqstanda bilim alyp jatyr. Etnos ókilderi respýblikanyń ár salasynda jumys isteid: dárigerler, zańgerler, kásipkerler jáne taǵy da basqa», - dedi ol.
Onyń aitýynsha, Qazaqstan Respýblikasynyń Tuńǵysh Prezidenti - Elbasy Nursultan Nazarbaev qurǵan Qazaqstan halqy Assambleiasy - barlyq etnostar ókilderin bir shańyraq astynda biriktiretin biregei institýt.
«Men kúrd etnomádeni ortalyǵynyń jetekshisi, professor, akademik retinde óz halqymnyń jáne otbasymnyń atynan Elbasyǵa jáne Qazaqstan halqyna alǵys bildirgim keledi», - dedi ol.
Sondai-aq,ol qazaq tili kúrdter úshin óte mańyzdy til ekenin basa aitty.
«Kúrdterdiń shamamen 75%-y qazaq tilin jaqsy meńgergen.Biyl biz kúrd balalaryna latyn álipbiine kóshý úshin latyn álipbiin shyǵardyq. Bizdiń balalar qazaq tilin balabaqshadan bastap oqidy. Qazaq tilin bilý - bul eń aldymen ózin jáne Qazaqstan halqyn qurmetteý. Biz ózimiz turatyn memlekettiń tarihyn, mádenietin jáne tilin bilýimiz kerek. Qazaq tilin bilý óte mańyzdy», - dep túiindedi ol.
Aita keteiik, 2015 jyldyń sáýir aiynda QHA 22-shi sessiiasy men QHA 20 jyldyǵyn merekeleý kezinde QR Tuńǵysh Prezidenti – Elbasy Qazaqstanda Alǵys kúnin atap ótýdi usyndy. Bul kún - barlyq qazaqstandyqtardyń bir-birine degen mahabbaty men dostyǵynyń jarqyn belgisi.
.jpeg)