Elimizde Turan jolbarysyn qaita túletý týraly jańa joba qolǵa alyndy. Bul týraly BUU Damý baǵdarlamasynyń turaqty damý boiynsha basshysy Arman Qashqynbekov málim etti, dep habarlaidy QazAqparat.
«BUU Damý baǵdarlamasy QR Ekologiia, geologiia jáne tabiǵi resýrstar ministrligi, WWF (Búkilálemdik jabaiy tabiǵat qory), Resei Federatsiiasynyń Úkimeti jáne Qazaq Geography uiymymen birlesip 2021 jyldan bastap Qazaqstanda Turan jolbarysyn qaita túletý maqsatynda keńaýqymdy jobany júzege asyrýǵa kirisedi. Kezinde Turan jolbarysy Ile-Balqash rezervatynda mekendegen. Qolda bar aqparattarǵa sáikes sońǵy jolbarysty 1948 jyly brokonerler atqan. Osylaisha ókinishke qarai bizdiń elden Turan jolbarysy tolyǵymen joiyldy», - dedi Qashqynbekov.
Onyń aitýynsha, Turan jolbarysy barlyq Ortalyq Aziia elderi aýmaǵynda mekendeidi.
«Qazirgi tańda ulttyq maqtanyshymyz ilbis (qar barysy) bolsa, endi 5 jyldan keiin elimizdegi alǵashqy Turan jolbarystarymen maqtanatyn bolamyz. Alǵashqy Turan jolbarystaryn Reseidiń Priamýre aýmaǵynan 5 jyldan keiin, múmkin odan da buryn ákeletin bolamyz. Keibir genetikalyq zertteýge sáikes, amýr jolbarystary Turan jolbarystyranyń alys týysy bolyp keledi», - deidi ol.
Arman Qashqynbekovtiń málimdeýinshe, Turan jolbarystaryn qaita jańǵyrtý jobasy osydan 3-4 jyl buryn Sankt-Peterbýrgte ótken ekonomikalyq forýmda tanystyrylyp, izinshe Resei Úkimeti jobany bekitti.
«Alǵashqy ýaqytta jobany jobany iske asyrý jumystary júrmedi. Endigi ýaqytta quzyrly memlekettik organdardyń qoldaýymen qaita qolǵa alynýda. Atalǵan jobany qarjylandyrý BUU Damý baǵdarlamasy, WWF (Búkilálemdik jabaiy tabiǵat qory) jáne QR Úkimetiniń esebinen júzege asyrylady. Aldymen jolbarys mekendeitin aýmaq pen olardyń azyq bazasy daiyndalady. 4-5 jyldan keiin alǵashqy 12-13 Turan jolbarysy ákelinip, olardyń beiimdelýi qadaǵalanady. Sodan soń ǵana erkindikke jiberiledidy. 2050 jylǵa qarai elimizdegi Turan jolbarysynyń sany 100-den asady dep boljanyp otyr», - dedi ol.
BUU Damý baǵdarlamasy ókiliniń málimdeýinshe, joba joiylǵan ańdy el aýmaǵyna qaitarýmen qosa, ulttyq qundylyǵymen erekshelenedi.
«Meniń Facebook-tegi Turan jolbarysy týraly jazbamnan soń kóptegen kásipkerler, Úkimettik emes uiym ókilderi jáne ekologiialyq belsendiler kómektesýge daiyn ekendigin jetkizdi. Bul qýanarlyq jaǵdai. Búginde elimiz úshin mańyzdy bolyp tabylatyn jobany júzege asyratyn komanda jinaqtaldy», - dedi Arman Qashqynbekov.
Eske sala ketsek, buǵan deiin QR Ekologiia, geologiia jáne tabiǵi resýrstar ministrligi Ile ózeniniń saǵasyndaǵy Balqash kóliniń ońtústik jaǵalaýy jáne osydan shyǵysqa qaraiǵy jer Turan jolbarysy jersindiriletin aýmaq retinde tańdalǵany týraly habarlady.
