ەلٸمٸزدە تۇران جولبارىسىن قايتا تٷلەتۋ تۋرالى جاڭا جوبا قولعا الىندى. بۇل تۋرالى بۇۇ دامۋ باعدارلاماسىنىڭ تۇراقتى دامۋ بويىنشا باسشىسى ارمان قاشقىنبەكوۆ مەلٸم ەتتٸ, دەپ حابارلايدى قازاقپارات.
«بۇۇ دامۋ باعدارلاماسى قر ەكولوگييا, گەولوگييا جەنە تابيعي رەسۋرستار مينيسترلٸگٸ, WWF (بٷكٸلەلەمدٸك جابايى تابيعات قورى), رەسەي فەدەراتسيياسىنىڭ ٷكٸمەتٸ جەنە Qazaq Geography ۇيىمىمەن بٸرلەسٸپ 2021 جىلدان باستاپ قازاقستاندا تۇران جولبارىسىن قايتا تٷلەتۋ ماقساتىندا كەڭاۋقىمدى جوبانى جٷزەگە اسىرۋعا كٸرٸسەدٸ. كەزٸندە تۇران جولبارىسى ٸلە-بالقاش رەزەرۆاتىندا مەكەندەگەن. قولدا بار اقپاراتتارعا سەيكەس سوڭعى جولبارىستى 1948 جىلى بروكونەرلەر اتقان. وسىلايشا ٶكٸنٸشكە قاراي بٸزدٸڭ ەلدەن تۇران جولبارىسى تولىعىمەن جويىلدى», - دەدٸ قاشقىنبەكوۆ.
ونىڭ ايتۋىنشا, تۇران جولبارىسى بارلىق ورتالىق ازييا ەلدەرٸ اۋماعىندا مەكەندەيدٸ.
«قازٸرگٸ تاڭدا ۇلتتىق ماقتانىشىمىز ٸلبٸس (قار بارىسى) بولسا, ەندٸ 5 جىلدان كەيٸن ەلٸمٸزدەگٸ العاشقى تۇران جولبارىستارىمەن ماقتاناتىن بولامىز. العاشقى تۇران جولبارىستارىن رەسەيدٸڭ پريامۋرە اۋماعىنان 5 جىلدان كەيٸن, مٷمكٸن ودان دا بۇرىن ەكەلەتٸن بولامىز. كەيبٸر گەنەتيكالىق زەرتتەۋگە سەيكەس, امۋر جولبارىستارى تۇران جولبارىستىرانىڭ الىس تۋىسى بولىپ كەلەدٸ», - دەيدٸ ول.
ارمان قاشقىنبەكوۆتٸڭ مەلٸمدەۋٸنشە, تۇران جولبارىستارىن قايتا جاڭعىرتۋ جوباسى وسىدان 3-4 جىل بۇرىن سانكت-پەتەربۋرگتە ٶتكەن ەكونوميكالىق فورۋمدا تانىستىرىلىپ, ٸزٸنشە رەسەي ٷكٸمەتٸ جوبانى بەكٸتتٸ.
«العاشقى ۋاقىتتا جوبانى جوبانى ٸسكە اسىرۋ جۇمىستارى جٷرمەدٸ. ەندٸگٸ ۋاقىتتا قۇزىرلى مەملەكەتتٸك ورگانداردىڭ قولداۋىمەن قايتا قولعا الىنۋدا. اتالعان جوبانى قارجىلاندىرۋ بۇۇ دامۋ باعدارلاماسى, WWF (بٷكٸلەلەمدٸك جابايى تابيعات قورى) جەنە قر ٷكٸمەتٸنٸڭ ەسەبٸنەن جٷزەگە اسىرىلادى. الدىمەن جولبارىس مەكەندەيتٸن اۋماق پەن ولاردىڭ ازىق بازاسى دايىندالادى. 4-5 جىلدان كەيٸن العاشقى 12-13 تۇران جولبارىسى ەكەلٸنٸپ, ولاردىڭ بەيٸمدەلۋٸ قاداعالانادى. سودان سوڭ عانا ەركٸندٸككە جٸبەرٸلەدٸدى. 2050 جىلعا قاراي ەلٸمٸزدەگٸ تۇران جولبارىسىنىڭ سانى 100-دەن اسادى دەپ بولجانىپ وتىر», - دەدٸ ول.
بۇۇ دامۋ باعدارلاماسى ٶكٸلٸنٸڭ مەلٸمدەۋٸنشە, جوبا جويىلعان اڭدى ەل اۋماعىنا قايتارۋمەن قوسا, ۇلتتىق قۇندىلىعىمەن ەرەكشەلەنەدٸ.
«مەنٸڭ Facebook-تەگٸ تۇران جولبارىسى تۋرالى جازبامنان سوڭ كٶپتەگەن كەسٸپكەرلەر, ٷكٸمەتتٸك ەمەس ۇيىم ٶكٸلدەرٸ جەنە ەكولوگييالىق بەلسەندٸلەر كٶمەكتەسۋگە دايىن ەكەندٸگٸن جەتكٸزدٸ. بۇل قۋانارلىق جاعداي. بٷگٸندە ەلٸمٸز ٷشٸن ماڭىزدى بولىپ تابىلاتىن جوبانى جٷزەگە اسىراتىن كوماندا جيناقتالدى», - دەدٸ ارمان قاشقىنبەكوۆ.
ەسكە سالا كەتسەك, بۇعان دەيٸن قر ەكولوگييا, گەولوگييا جەنە تابيعي رەسۋرستار مينيسترلٸگٸ ٸلە ٶزەنٸنٸڭ ساعاسىنداعى بالقاش كٶلٸنٸڭ وڭتٷستٸك جاعالاۋى جەنە وسىدان شىعىسقا قارايعى جەر تۇران جولبارىسى جەرسٸندٸرٸلەتٸن اۋماق رەتٸندە تاڭدالعانى تۋرالى حابارلادى.
