Ulttyq densaýlyq saqtaý ortalyǵy infektsiialyq aýrýlardyń aldyn alý departamentiniń direktory Jumabek Bekenov jyl saiyn Qazaqstanda 1 millionǵa deiin jiti respiratorlyq-virýstyq infektsiia tirkeletinin aitty, dep habarlaidy QazAqparat.
«Bizdiń klimattyq beldeýde kúz-qys ailarynyń kelýine bailanysty ótkir juqpaly aýrýlardyń órshitini belgili. Jyl saiyn Qazaqstanda 500 myńnan 1 millionǵa deiin jiti respiratorlyq-virýstyq infektsiia tikeledi. Osy aýrýlardyń 64 paiyzynan joǵarysyn 14 jasqa deiingi balalar quraidy, iaǵni árbir aýyrǵan úsh adamnyń ekeýi bala degendi bilderedi. Jiti respiratorlyq-virýstyq infektsiia men tumaýdyń epidemiologiialyq maýsymy negizi qazan aiynda bastalyp, mamyr aiyna deiin jalǵasady. Biylǵy epidemiologiialyq maýsymǵa alańdaýshylyq bildirýimiz koronavirýsqa bailanysty», - dedi J. Bekenov Ortalyq kommýnikatsiialar qyzmetinde.
Sonymen qatar ol Qazaqstanda tumaýdyń úsh shtamy (N1N1, N3N2 jáne V) taralǵanyn, bul ótken qysta belgili bolǵanyn jetkizdi. Olar zerthanalarda tekserilip, naqtylandy.
«Jyl saiyn vaktsina jasaý aldynda elimizde taralǵan virýstar shtamdaryn anyqtaýdyń máni zor. Óitkeni oǵan qarsy egiletin vaktsinanyń sipaty mańyzdy. Osyǵan bailanysty bizdiń zerthanalar jumysy arqasynda biyl atalǵan úsh túrin tirkedik», - dedi J. Bekenov.
«Koronavirýs jaǵdaiyna bailanysty biz tumaýǵa qarsy vaktsinaǵa asa mán berip otyrmyz. Sondyqtan ekpeni ýaqytynda alýdyń mańyzy zor. Sebebi bul aýrýlarǵa qarsy antidene paida bolýyna keminde eki-úsh apta ýaqyt kerek», - dedi departament direktory.
