ۇلتتىق دەنساۋلىق ساقتاۋ ورتالىعى ينفەكتسييالىق اۋرۋلاردىڭ الدىن الۋ دەپارتامەنتٸنٸڭ ديرەكتورى جۇمابەك بەكەنوۆ جىل سايىن قازاقستاندا 1 ميلليونعا دەيٸن جٸتٸ رەسپيراتورلىق-ۆيرۋستىق ينفەكتسييا تٸركەلەتٸنٸن ايتتى, دەپ حابارلايدى قازاقپارات.
«بٸزدٸڭ كليماتتىق بەلدەۋدە كٷز-قىس ايلارىنىڭ كەلۋٸنە بايلانىستى ٶتكٸر جۇقپالى اۋرۋلاردىڭ ٶرشيتٸنٸ بەلگٸلٸ. جىل سايىن قازاقستاندا 500 مىڭنان 1 ميلليونعا دەيٸن جٸتٸ رەسپيراتورلىق-ۆيرۋستىق ينفەكتسييا تٸكەلەدٸ. وسى اۋرۋلاردىڭ 64 پايىزىنان جوعارىسىن 14 جاسقا دەيٸنگٸ بالالار قۇرايدى, ياعني ەربٸر اۋىرعان ٷش ادامنىڭ ەكەۋٸ بالا دەگەندٸ بٸلدەرەدٸ. جٸتٸ رەسپيراتورلىق-ۆيرۋستىق ينفەكتسييا مەن تۇماۋدىڭ ەپيدەميولوگييالىق ماۋسىمى نەگٸزٸ قازان ايىندا باستالىپ, مامىر ايىنا دەيٸن جالعاسادى. بيىلعى ەپيدەميولوگييالىق ماۋسىمعا الاڭداۋشىلىق بٸلدٸرۋٸمٸز كوروناۆيرۋسقا بايلانىستى», - دەدٸ ج. بەكەنوۆ ورتالىق كوممۋنيكاتسييالار قىزمەتٸندە.
سونىمەن قاتار ول قازاقستاندا تۇماۋدىڭ ٷش شتامى (ن1N1, ن3N2 جەنە ۆ) تارالعانىن, بۇل ٶتكەن قىستا بەلگٸلٸ بولعانىن جەتكٸزدٸ. ولار زەرتحانالاردا تەكسەرٸلٸپ, ناقتىلاندى.
«جىل سايىن ۆاكتسينا جاساۋ الدىندا ەلٸمٸزدە تارالعان ۆيرۋستار شتامدارىن انىقتاۋدىڭ مەنٸ زور. ٶيتكەنٸ وعان قارسى ەگٸلەتٸن ۆاكتسينانىڭ سيپاتى ماڭىزدى. وسىعان بايلانىستى بٸزدٸڭ زەرتحانالار جۇمىسى ارقاسىندا بيىل اتالعان ٷش تٷرٸن تٸركەدٸك», - دەدٸ ج. بەكەنوۆ.
«كوروناۆيرۋس جاعدايىنا بايلانىستى بٸز تۇماۋعا قارسى ۆاكتسيناعا اسا مەن بەرٸپ وتىرمىز. سوندىقتان ەكپەنٸ ۋاقىتىندا الۋدىڭ ماڭىزى زور. سەبەبٸ بۇل اۋرۋلارعا قارسى انتيدەنە پايدا بولۋىنا كەمٸندە ەكٸ-ٷش اپتا ۋاقىت كەرەك», - دەدٸ دەپارتامەنت ديرەكتورى.
