Foto: ashyq derekkóz
Qazaqstanda tý órtegen 12 adam qamaýǵa alyndy, dep habarlaidy Ult.kz.
Almaty oblysy politsiia departamentiniń habarlaýynsha, 13 qarashada Almaty oblysynyń Uiǵyr aýdanynda politsiia shet memlekettik týdy jáne memleket basshysynyń beinesin órtep, ózge de quqyqqa qaishy áreketter jasaǵan azamattardyń toptasqan sanktsiialanbaǵan jinalysyn toqtatqan.
"Materialdardy sotta qaraý qorytyndysy boiynsha 12 azamat Ákimshilik quqyq buzýshylyq týraly kodekstiń 434-baby boiynsha ákimshilik jaýapkershilikke tartylyp, 15 táýlikke deiingi merzimge ákimshilik qamaýǵa alyndy.Sonymen qatar, taǵy 6 qatysýshyǵa 20 AEK mólsherinde aiyppul salyndy", - delingen habarlamada.
Bul faktige qatysty arazdyqty qozdyrý boiynsha qylmystyq is tirkeldi. Qajetti tergeý áreketteri júrgizilip jatyr.
Politsiia memlekettik rámizderge qol suǵý, sondai-aq arazdyq týdyryp, qoǵamdyq qaýipsizdikti buzýǵa baǵyttalǵan kez kelgen áreket zańnyń óreskel buzylýy ekenin jáne mundai faktiler qatań zań tártibimen toqtatylatynyn qatań túrde eskertedi.
