QR Ulttyq banki ortalyq banktiń (Central bank digital currency – CBDC) tsifrlyq valiýtasyn Qazaqstan Respýblikasynda engizý máselesin zertteýdi qolǵa aldy, dep habarlaidy "Ult aqparat".
Halyqaralyq esepter banki júrgizgen saýalnamanyń 2020 jyldyń basyndaǵy málimetine sáikes, SBDC boiynsha jumysty (zertteý júrgizýden bastap, pilottyq jobalardy iske asyrýǵa deiin) ortalyq bankterdiń saýalnamadan ótken 80% júrgizgen.
«Álemdegi kóptegen ortalyq bankter úshin tólem júielerin tsifrlyq transformatsiialaý óte ózekti sanalady. Qazaqstan Ulttyq banki basqa elderdiń 28 ortalyq bankimen birge tsifrlyq valiýtalar boiynsha negizgi halyqaralyq zertteý tobynyń jumysyna qatysady.Ulttyq bank mamandary Halyqaralyq esepter bankimen jáne Halyqaralyq valiýta qorymen birlese otyryp, tsifrlyq valiýtany retteý tásilderin zerdelei bastady», – dep habarlady bankten.
Sonymen qatar málim etilgendei, Qazaqstan Ulttyq banki Qytai Halyq Respýblikasynda, Ońtústik-Shyǵys Aziianyń birqatar elinde, Kanadada, Singapýrda jáne Eýropalyq odaqta tsifrlyq valiýtany engizý jónindegi pilottyq jobalardyń baqylaýshysy bolyp tabylady.
«Qazir ártúrli tehnologiialyq infraqurylym men retteý tásilderi eskeriletin Qazaqstan Respýblikasynda tsifrlyq valiýtany engizýdiń ártúrli stsenariiine arnalǵan baiandama ázirlenip jatyr. Baiandama 2021 jyldyń ekinshi jartysynda jariialanady.
Budan keiin qujat múddeli memlekettik organdarmen, halyqaralyq qarjy uiymdarymen, naryq qatysýshylarymen jáne sarapshylarmen talqyǵa túsip, sodan keiin Qazaqstan Respýblikasynda ortalyq banktiń tsifrlyq valiýtasyn kezeń-kezeńimen engizý boiynsha pilottyq joba iske asyrylady», – dep atap ótti bankten.
CBDC tehnologiiasy el aýmaǵynda tólemderdiń tiimdiligi men qoljetimdiligin odan ári jetildirý úshin qolma-qol aqshamen jáne qolma-qol aqshasyz tólemderdiń artyqshylyqtaryn biriktirýge tiis. Bul rette tsifrlyq valiýta tólem infraqurylymyn ártaraptandyrýǵa arnalǵan. Pilottyq kezeńniń qorytyndysy boiynsha CBDC Qytaida, Japoniiada, Kanadada jáne Eýropalyq odaq elderinde testileýden ótýde. CBDC resmi deńgeide engizý Resei Federatsiiasynda qarastyrylyp jatyr.
