Aǵymdaǵy jyldyń sáýiri men qazan ailary aralyǵynda QR Ulttyq qaýipsizdik komiteti Qazaqstanǵa shetelden sintetikalyq esirtki jetkizýdi júzege asyryp, sondai-aq olardy daiyndap, internettegi «Borat24» dúkeni arqyly satqan transulttyq qylmystyq toptyń qyzmetin toqtatý boiynsha kólemdi operatsiia ótkizdi, dep habarlaidy "Ult aqparat" Qazaqstan Respýblikasy Ulttyq qaýipsizdik komitetiniń baspasóz qyzmetine silteme jasap.
Transulttyq esirtki qurylymynyń 34 qatysýshysy ustaldy, 8 esirtki zerthanasy joiyldy. Eldiń iri qalalary – Nur-Sultan, Almaty jáne Shymkentke kontrabandalyq jolmen kirgizilgen 40 keli psihotroptyq zat alyndy. Qara naryqta alynǵan esirtkiniń bólshek saýdadaǵy baǵasy 600 mln astam teńgeni (80 myń doza) quraǵan.
Budan basqa, esirtki saýdasynan túsirgen aqshalai zatty «bitkoinderdi» satyp alý jáne olardy shetelge shyǵarý boiynsha qarjy operatsiialaryn júzege asyrý jolymen resmileýdi uiymdastyrǵan zańsyz kriptoalmastyrǵyshtardyń qyzmeti toqtatyldy. Bul rette, kómekshiler alǵan aqshany zańdastyrý úshin daiyndaǵan alty jyljymaly «maining ferma» anyqtaldy. Esirtki qurylymynyń kómekshileri eki jyldyń ishinde (2018 jyldyń qańtar aiynan bastap 2019 jyldyń jeltoqsanyna deiin) 2,5 astam teńgeni resmilendirgen.
Atalǵan faktiler Qazaqstan Respýblikasy Qylmystyq kodeksiniń sot aldyndaǵy tergeýdiń biryńǵai tizilimine 297-babynyń 4-bólimi, 264-babynyń 2-bólimi, 286-babynyń 4-bólimi jáne 218-babynyń 3-bólimimen tirkelgen.
