Foto: Pexels.com
Kólik vitse-ministri Talǵat Lastaev ministrler kabinetiniń otyrysynda qazaqstandyq aviatsiia naryǵynda jańa sheteldik arzan áýekompaniialar paida bolatynyn aitty, dep habarlaidy Ult.kz.
Kólik vitse-ministri Talǵat Lastaev elimizde jyl saiyn halyqaralyq reister sany artyp jatqanyn aitty. Sózinshe, 31 el jáne 58 qalamen áýe qatynasy ornatylyp, 119 baǵyt boiynsha reister oryndaldy.
"Ótken jyly 22 halyqaralyq baǵyt boiynsha 6 jańa qalaǵa 12 reis ashyldy. Onyń ishinde Mýmbai (Úndistan), Jidda (Saýd Arabiiasy), Praga (Chehiia) jáne t.b. siiaqty iri ortalyqtar jáne 10 baǵyt boiynsha reister qaita jandandy", — dedi Lastaev.
2025 jyly 16 jańa baǵyt josparlanyp jatyr, onyń ishinde Rim, Miýnhen, Býdapesht, Shanhai, Gýanchjoý, Pýsan (Koreia) jáne t.b. bar.
"Jolaýshylarǵa arnalǵan biýdjettik baǵyttardy tańdap, Qazaqstannyń halyqaralyq aviatsiia naryǵyna 4 jańa sheteldik arzan áýekompaniialardyń keledi. Bul – SpiceJet (Úndistan), Eastar Jet jáne T’way Air (Ońtústik Koreia), ThayAirAsia (Tailand)", — dedi vitse-ministr.
Sondai-aq ol ótken jyly Qyzylorda, Qostanai, Atyraý áýejailarynda "ashyq aspan" rejimi engizilgenin jáne barlyq halyqaralyq áýejaida jumys isteitinin aitty.
Eske salsaq, buǵan deiin premer-ministr áýe reisteriniń jii keshiktirilý máselesin sheshýdi tapsyrǵan edi.
