Qazaqstanda jeńildetilgen avtonesie berý baǵdarlamasy toqtatyldy. Bul týraly Ulttyq banktiń baspasóz qyzmeti málim etti.
Ulttyq bank jeńildetilgen avtonesie berý baǵdarlamasyn 2019 jyldyń 31 mamyrynda iske qosqan. Sharttarda otandyq óndiristen jeńil avtokólik satyp alatyn jeke tulǵalarǵa 4 paiyz nominal mólsherlememen nesie berý qarastyrlǵan.
Sonymen qatar, baǵdarlamany iske asyrý úshin Ulttyq bank 2019-2020 jyldary 40 mlrd teńge, iaǵni jyl saiyn 20 mlrd teńge bóldi.
Ulttyq bank bergen aqparatqa súiensek, 2021 jyldyń 27 mamyryndaǵy jaǵdai boiynsha, barlyǵy 48,8 mlrd teńgege 8 546 nesie berilgen, onyń ishinde 8,8 mlrd teńge buryn berilgen avtokreditterdi (revolverlik tetik) óteýden túsken qarajat esebinen satylǵan.
«Ulttyq bank basqarmasynyń 2021 jylǵy 24 mamyrdaǵy №56 sheshimimen Qazaqstan Ulttyq bank basqarmasynyń 2019 jylǵy 31 mamyrdaǵy № 79 «Otandyq óndiristiń jeńil avtokóligin satyp alýshylarǵa kredit berý baǵdarlamasyn bekitý týraly» qaýlysynyń kúshi joiyldy.
Bul rette, Ulttyq bank buǵan deiin bólgen 40 mlrd teńge somasyndaǵy qarjyny Qazaqstanda óndirilgen jeńil kólikti satyp alýshylardy dál sol sharttarmen nesieleý úshin paidalaný múmkindigi qarastyrylǵan», - dep jaýap berdi Ulttyq banktiń baspasóz qyzmetinen.
