قازاقستاندا جەڭٸلدەتٸلگەن اۆتونەسيە بەرۋ باعدارلاماسى توقتاتىلدى. بۇل تۋرالى ۇلتتىق بانكتٸڭ باسپاسٶز قىزمەتٸ مەلٸم ەتتٸ.
ۇلتتىق بانك جەڭٸلدەتٸلگەن اۆتونەسيە بەرۋ باعدارلاماسىن 2019 جىلدىڭ 31 مامىرىندا ٸسكە قوسقان. شارتتاردا وتاندىق ٶندٸرٸستەن جەڭٸل اۆتوكٶلٸك ساتىپ الاتىن جەكە تۇلعالارعا 4 پايىز نومينال مٶلشەرلەمەمەن نەسيە بەرۋ قاراستىرلعان.
سونىمەن قاتار, باعدارلامانى ٸسكە اسىرۋ ٷشٸن ۇلتتىق بانك 2019-2020 جىلدارى 40 ملرد تەڭگە, ياعني جىل سايىن 20 ملرد تەڭگە بٶلدٸ.
ۇلتتىق بانك بەرگەن اقپاراتقا سٷيەنسەك, 2021 جىلدىڭ 27 مامىرىنداعى جاعداي بويىنشا, بارلىعى 48,8 ملرد تەڭگەگە 8 546 نەسيە بەرٸلگەن, ونىڭ ٸشٸندە 8,8 ملرد تەڭگە بۇرىن بەرٸلگەن اۆتوكرەديتتەردٸ (رەۆولۆەرلٸك تەتٸك) ٶتەۋدەن تٷسكەن قاراجات ەسەبٸنەن ساتىلعان.
«ۇلتتىق بانك باسقارماسىنىڭ 2021 جىلعى 24 مامىرداعى №56 شەشٸمٸمەن قازاقستان ۇلتتىق بانك باسقارماسىنىڭ 2019 جىلعى 31 مامىرداعى № 79 «وتاندىق ٶندٸرٸستٸڭ جەڭٸل اۆتوكٶلٸگٸن ساتىپ الۋشىلارعا كرەديت بەرۋ باعدارلاماسىن بەكٸتۋ تۋرالى» قاۋلىسىنىڭ كٷشٸ جويىلدى.
بۇل رەتتە, ۇلتتىق بانك بۇعان دەيٸن بٶلگەن 40 ملرد تەڭگە سوماسىنداعى قارجىنى قازاقستاندا ٶندٸرٸلگەن جەڭٸل كٶلٸكتٸ ساتىپ الۋشىلاردى دەل سول شارتتارمەن نەسيەلەۋ ٷشٸن پايدالانۋ مٷمكٸندٸگٸ قاراستىرىلعان», - دەپ جاۋاپ بەردٸ ۇلتتىق بانكتٸڭ باسپاسٶز قىزمەتٸنەن.
