Qazaqstanda tiri maldyń eksportyna tyiym salyndy, – dep habarlaidy QR Aýyl sharýashylyǵy ministrligi.
Ótken jyly Qazaqstannan shetelge 156 myń bas iri qara mal shyǵaryldy. Bul rette, basym kópshiligi – 121,6 myń bas nemese 78% Ózbekstan Respýblikasyna, taǵy 14% Armeniia eline eksporttalǵan.
Sondai-aq, elden 264 myń bas qoi shyǵarylǵan, onyń jartysynan astamy analyq mal. Usaq múiizdi maldyń basym bóligi, iaǵni 200 myńnan astamy (76%) Ózbekstan memleketine, 21,5 myń bas (8,1%) Resei Federatsiiasyna, 18 myń bas (6,7%) Ázerbaijanǵa jáne shamamen 12 myń bas (4,5%) Iranǵa tasymaldanǵan.
«Tiri maldyń jappai eksporty et ónimderine baǵanyń ósýine negiz boldy. Sonymen qatar, qalyptasqan jaǵdai qazaqstandyq et óńdeý kásiporyndary men bordaqylaý alańdarynyń júktemesiniń tómendeýine alyp keldi. Ortasha alǵanda, 2019 jyly qazaqstandyq et óńdeý kásiporyndary óz qýatyn tolyq paidalana almaǵan. Olardyń tolyq jumys istemeýiniń negizgi sebebi tiri maldyń jappai eksportynyń saldarynan shikizat tapshylyǵy boldy.
AÓK damytýdyń 2017-2021 jyldarǵa arnalǵan memlekettik baǵdarlamasyna sáikes, QR AShM-da qaita óńdelgen ónim eksportyn 2,5 esege arttyrý mindeti tur. Osyǵan bailanysty, bordaqylaý alańdary men et kombinattarynyń ótinishterine sáikes QR Aýyl sharýashylyǵy jáne QR Qarjy ministrlikteriniń 2019 jylǵy 21 qazandaǵy «Aýyl sharýashylyǵy janýarlaryn shyǵarýdaǵy keibir máseleler týraly» birlesken buiryǵyna ózgerister engizý týraly sheshim qabyldandy. Aita ketsek, atalmysh buiryq tek analyq mal basynyń eksportyn ýaqytsha shekteitin. Bul ózgerister barlyq iri qara mal men usaq múiizdi maldyń jynystyq-jastyq toptary boiynsha tiridei basyn ózge elderge shyǵarýǵa (eksporttaýǵa) tolyq tyiym salady», - delingen AQSh málimetinde.
Atap ótilgendei, qujattyń jobasy salalyq saraptama uiymdarymen jáne oblys ákimdikterimen kelisilgen jáne «Atameken» UKP oń qorytyndysy alynǵan. Sondai-aq Syrtqy saýda saiasaty jáne halyqaralyq ekonomikalyq uiymdarǵa qatysý máseleleri jónindegi vedomstvoaralyq komissiianyń maquldaýyna ie boldy. Qazirgi ýaqytta múddeli memlekettik organdarmen kelisim jasalýda.
«Atalǵan buiryqqa ózgerister engizý taiaý jyldary Qazaqstanda mal basyn saqtap, ulǵaitýǵa, otandyq et kombinattaryn qolaily baǵamen sapaly shikizatpen qamtamasyz etýge jáne daiyn óńdelgen ónimniń óndirisi men eksportyn arttyrýǵa múmkindik beredi», - dedi ministrlikten.
