Qazaqstanda taýyq eti bir jylda 17 paiyzǵa qymbattady, - dep habarlaidy Tengrinews.kz tilshisi Energyprom.kz saityna silteme jasap.
Biyl aqpanda bólshek saýda núktelerindegi taýyq baǵasy bir jylda 17,2 paiyzǵa, bir kelige 1,1 myń teńgege deiin, taýyq eti birden 22,8 paiyzǵa, bir kelisine 958 teńgege deiin ósti.
Baǵa Shymkentte bir jylda 35,2 paiyzǵa artty. Sondai-aq, Túrkistan jáne Qaraǵandy oblystarynda da taýyq eti qymbat. Túrkistan oblysynda taýyq etiniń baǵasy joǵary, jylyna 55,8 paiyzǵa artty.
Aqpanda taýyq baǵasy Aqtaýda - bir keli úshin 1,3 myń teńge boldy. Taýyq eti Nur-Sultanda bir keli úshin 1,1 myń teńge.
Qazaqstanda qańtarda 8,3 myń tonna jas nemese tońazytylǵan úi qusy eti óndirilgen, bul bir jyl burynǵyǵa qaraǵanda 0,5 paiyzǵa artyq. Úi qusynyń jas nemese tońazytylǵan etin óndiretin óńirler arasynda Aqmola oblysy kósh bastap tur, onda - 2,9 myń tonna.
2021 jyly elimizde 110,3 myń tonna jas nemese tońazytylǵan, 127,4 myń tonna úi qusynyń muzdatylǵan eti óndirilgen.
Jergilikti kompaniialar 2021 jyldyń qorytyndysy boiynsha qus eti men qosymsha ónimderge suranysty 62,6 paiyzǵa qamtamasyz etken. Import úlesi - 37,4 paiyz.
