Qazaqstanda taýarlardyń sapa standarty qaita qaralady. Bul jaiynda búgin QR Saýda jáne integratsiia ministri Baqyt Sultanov aitty, dep habarlaidy QazAqparat.
«Ekonomikanyń halyqaralyq transformatsiialanýy jaǵdaiynda ishki saýda salasy da aitarlyqtai ózgeristi talap etedi. Bul rette bizge ónimderimizdiń básekege qabilettiligi máselesine nazar aýdarǵanymyz jón. Osy oraidaǵy jumystar Prezident Qasym-Jomart Kemeluly Toqaevtyń sailaýaldy tuǵyrnamasy aiasyndaǵy tapsyrmalaryn júzege asyrý úshin júrgiziledi. Onda naryqta sapaly, básekege qabiletti, eń bastysy qaýipsiz otandyq ónimderdi molaitý týraly naqty aitylǵan», - dedi ministr vedomstvonyń Memleket basshysynyń taiaýdaǵy Joldaýynyń negizgi baǵyttaryn túsindirýge arnalǵan alqa otyrysynda.
Ol taýar sáikestiginiń sapa standarty da qaita qaralatyndyǵyn atap ótti.
«Búgingi kúni atalǵan standarttar tizilimin tolyqtyrý úshin halyqaralyq standarttar pýlyn ázirledik. Qazirgi ýaqytta biz olardy ónimniń sapasy men básekege qabilettiligi turǵysynan qaita qarastyrýymyz qajet. Bul rette saýda-taratý ortalyqtary jelisin qurý syndy jańa baǵyttar bolady», - dedi Baqyt Sultanov.
