Qazaqstan densaýlyq saqtaý ministrligi 26 naýryz túste Nur-Sultanda taǵy toǵyz adamnan koronavirýs anyqtalǵanyn habarlady.
Koronavirýs juqtyrǵandar Qazaqstanda birtindep kóbeiip keledi. Búgin tańerteń jeti adamǵa virýs juqqany belgili bolǵan edi.
Osylaisha Qazaqstanda koronavirýs juqtyrǵandar 97 adamǵa jetti. Almatyda - 34 adam, Nur-Sultanda - 55 adam, Qaraǵandyda - eki adam, Shymkentte - eki adam, Almaty oblysynda - bir adam, Aqtóbe oblysynda - bir adam, Jambyl oblysynda - bir adam, Soltústik Qazaqstan oblysynda bir adam emdelip jatyr.
25 naýryzda Qazaqstan úkimeti eki adam dertinen aiyqqanyn habarlaǵan.
Qazaqstan koronavirýsqa bailanysty 15 sáýirge deiin tótenshe jaǵdai jariialaǵann. 19 naýryzdan bastap Almaty men Nur-Sultan qalalary karantinge kóshti.
AQSh-taǵy Djon Hopkins ýniversitetiniń málimetinshe, qazir álemde 470 myńnan astam adam virýs juqtyryp, 21 myńnan astam adam qaza bolǵan. 114 myńnan astam adam saýyǵyp shyqqan
