Premer-ministrdiń birinshi orynbasary – qarjy ministri Álihan Smaiylov qandai qalalardyń megapolis mártebesin alatynyn aitty, dep habarlaidy Sputnik Qazaqstan tilshisi.
Aita ketken jón, búgin XII Astana ekonomikalyq forýmynda Qazaqstannyń Tuńǵysh Prezidenti Nursultan Nazarbaev taǵy eki qalaǵa respýblikalyq mártebeniń beriletinin jariialaǵan bolatyn.
"Qazaqstan da álemdik ýrbanizatsiia úderisinen tys qalyp otyrǵan joq. Bizde halyqtyń 40 protsenti aýylda tursa da, jartysy qalada jumys isteidi. Búginde úsh iri qalamyz bar. Elordamyz 20 jyldyń ishinde 1,2 million halqy bar qalaǵa ainaldy. Almatynyń halqy 2 millionnan asty. Byltyr olarǵa Shymkent qosyldy. Endi, taǵy eki qalany osy deńgeige kóterip jatyrmyz. Atalǵan qalalar magnit siiaqty halyqty tartyp, bilim men tehnologiialardyń oshaǵyna ainalady. Qazaqstandaǵy qalalardyń tabysy elimizdiń álemdik naryqtaǵy básekelestigin kúsheitedi", - dedi Nazarbaev.
Osy oraida Premer-ministrdiń birinshi orynbasary Álihan Smaiylov qandai qalalardyń megapolis deńgeiine kóteriletinin aitty. Olar – Qaraǵandy men Aqtóbe.
"Atalǵan qalalarǵa halyq kóptep kóship jatyr. Adamdar óz erkimen kelýde. Sebebi qalada barlyq jaǵdai bar, bilim alýǵa bolady. Endi, ázirshe naqty ýaqyt belgilenbegen. Degenmen, úkimet tiisti jumysty bastap ketti", - dedi ol.
Aitýynsha, Úkimet Qaraǵandy men Aqtóbeniń investitsiialyq klimatyn jaqsartýǵa, qala qurylysy men infraqurylymyn damytýǵa kúsh salyp jatyr.
