21 aqpan kúni Qazaqstan densaýlyq saqtaý ministrligi koronavirýspen taǵy 804 naýqas, 6 ólim tirkelgenin habarlady. Jańa tirkelgen 38 naýqasqa aýrý belgileri boiynsha koronavirýs pnevmoniiasy qoiylǵan, olardyń virýs juqtyrǵany PTR testimen rastalmaǵan. Alty ólimniń ekeýi osy sanattaǵy naýqastar qatarynan.
Qazaqstan byltyr tamyzdan beri koronavirýs naýqastarynyń eki statistikasyn júrgizip keledi. Biri – virýs juqqany PTR testimen rastalǵan naýqastar deregi, biri – PTR testimen rastalmaǵan (KVI+), diagnozy aýrý belgileri boiynsha qoiylǵan koronavirýs pnevmoniiasy deregi (KVI-). Keiingi kúnderi belgili bolǵandai, KVI+ deregi bir kúnnen keiin, KVI- deregi eki kúnnen keiin jariialanady.
Jańa tirkelgen 804 naýqastyń 766-sy KVI+ sanatyna jatqyzylǵan jáne olardyń deregi 20 aqpan kúni naqtylanǵan. KVI- sanatyndaǵy 38 naýqastyń deregi odan bir kún buryn, iaǵni 19 aqpan kúni anyqtalǵan.
Kúndelikti jariialanyp kelgen koronavirýs pnevmoniiasy dereginiń keshegi kúndiki emes, aldyńǵy kúndiki ekeni aqpannyń basynda belgili boldy.
Densaýlyq saqtaý ministrligi kún saiyn tańerteń koronavirýs deregi boiynsha infografika jariialaidy. Onda KVI+ jáne KVI- derekteri qatar kórsetiledi. Ekeýi birdei kúnniń aqparaty dep jazyldy.
Aimaqtar boiynsha jalpy derek:
Nur-Sultan qalasy - 53,
Almaty qalasy - 102,
Shymkent qalasy - 8,
Aqmola oblysy - 81,
Aqtóbe oblysy - 13,
Almaty oblysy - 59,
Atyraý oblysy - 33,
Shyǵys Qazaqstan oblysy - 55,
Jambyl oblysy - 19,
Batys Qazaqstan oblysy - 65,
Qaraǵandy oblysy - 53,
Qostanai oblysy - 69,
Qyzylorda oblysy - 7,
Mańǵystaý oblysy - 9,
Pavlodar oblysy - 100,
Soltústik Qazaqstan oblysy - 36,
Túrkistan oblysy - 4.
Jalpy el boiynsha dertke shaldyqqandar sany - 207 418.
Sondai-aq, 21 aqpandaǵy málimet boiynsha, 21 417 adam koronovirýs infektsiiasynan (13 627 KVI+ jáne 7 790 KVI-) emdelip jatyr.
Onyń ishinde 4 776 patsient - statsionarda, 16 641 naýqas ambýlatoriialyq deńgeide em qabyldaýda.
Koronavirýsqa shaldyqqandar arasynda:
• 237 adamnyń jaǵdaiy aýyr;
• 54 patsienttiń jaǵdaiy óte aýyr;
• 45 naýqas ÓJJ apparatynda jatyr.
