5 qańtarda Qazaqstanda koronavirýs juqqany testpen naqtylanǵan 742 adam anyqtaldy, 29 adamǵa koronavirýs pnevmoniiasy diagnozy qoiyldy. 4 adam Covid-ten qaitys boldy. Densaýlyq saqtaý ministrliginiń 6 qańtar kúngi habarlamasynda osyndai málimet jazylǵan.
Seisenbi kúni eń kóp naýqas Nur-Sultanda tirkelgen. Munda bir kúnde 114 adamnan koronavirýs anyqtaldy. Atyraý oblysynda - 101, Almaty qalasynda - 94, Aqmola oblysynda - 58, Qostanai oblysynda - 56, Pavlodar oblysy men Soltústik Qazaqstan oblysynda árqaisysynda 55 adam Covid-ke shaldyqqan. Almaty oblysynda - 52, Batys Qazaqstan oblysynda - 40, Shyǵys Qazaqstan oblysynda - 39 naýqas, Jambyl oblysy - 14, Túrkistan oblysy - 12, Aqtóbe oblysy - 10, Qyzylorda oblysy - 8, Mańǵystaý oblysy - 7, Shymkent qalasy - 2 tirkelgen.
Naýryz aiynan beri 159 044 adamnyń PTR-testi oń shyqqan: 145 975-i jazylǵan. 2 343-i qaitys bolǵan.
Qazaqstannyń densaýlyq saqtaý ministrligi belgileri koronavirýs infektsiiasyna uqsas bolǵanymen, aýrý laboratoriia arqyly rastalmaǵan pnevmoniiamen aýyrǵandardyń statistikasyn byltyrǵy 1 tamyzdan beri júrgizip keledi. Oǵan deiin bul aýrýmen qansha adam aýyrǵany belgisiz. Sodan bergi kezeńde mundai pnevmoniiamen 46 020 adam tirkeldi, 513 naýqas qaitys boldy.
Qazir koronavirýstan 23 myńǵa jýyq naýqas emdelip jatyr. 299 adamnyń jaǵdaiy aýyr, 45 naýqastyń hali óte aýyr. 44 adam jasandy tynys apparatyna qosylǵan.
AQSh-taǵy Djons Hopkins ýniversitetiniń málimeti boiynsha, álemde koronavirýs juqtyrǵan 86,3 million adam tirkelgen. 48,4 million kisi bul dertten jazylyp shyqsa, 1 mln 866 myń adam kóz jumǵan.
