4 qańtarda Qazaqstanda koronavirýs juqqany testpen rastalǵan 723 adam anyqtaldy, 7 adamǵa koronavirýs pnevmoniiasy diagnozy qoiyldy. Covid-ten - 3 adam, koronavirýs pnevmoniiasynan 4 adam qaitys boldy. Densaýlyq saqtaý ministrliginiń 5 qańtar kúngi habarlamasynda osyndai málimet jazylǵan.
Dúisenbi kúni Atyraý oblysynda - 149, Almaty qalasynda - 92, Nur-Sultanda - 68, Aqmola oblysynda - 59, Qostanai oblysy men Soltústik Qazaqstan oblysynda - 57 adam, Shyǵys Qazaqstan oblysy - 47, Batys Qazaqstan oblysy - 45, Pavlodar oblysynda - 40, Almaty oblysy - 39, Qaraǵandy oblysy - 26, Mańǵystaý oblysy - 11, Jambyl oblysy - 9, Túrkistan oblysy - 8, Shymkent qalasy - 6, Qyzylorda oblysy - 6, Aqtóbe oblysy 4 adamnan koronavirýs anyqtaldy.
Naýryz aiynan beri 158 302 adamnyń PTR-testi oń shyqqan: 145 194-i jazylǵan. 2 339-y qaitys bolǵan.
Qazaqstannyń densaýlyq saqtaý ministrligi belgileri koronavirýs infektsiiasyna uqsas bolǵanymen, aýrý laboratoriia arqyly rastalmaǵan pnevmoniiamen aýyrǵandardyń statistikasyn byltyrǵy 1 tamyzdan beri júrgizip keledi. Oǵan deiin bul aýrýmen qansha adam aýyrǵany belgisiz. Sodan bergi kezeńde mundai pnevmoniiamen 45 991 adam tirkeldi, 513 naýqas qaitys boldy.
AQSh-taǵy Djons Hopkins ýniversitetiniń málimeti boiynsha, álemde koronavirýs juqtyrǵan 85,6 million adam tirkelgen. 48 million kisi bul dertten jazylyp shyqsa, 1 mln 851 myń adam kóz jumǵan.
5 qańtardaǵy málimet boiynsha, 22 949 syrqat koronovirýs infektsiiasynan (10 769 KVI+ jáne 12 180 KVI-) emdelip jatyr.
Onyń ishinde 5 328 patsient - statsionarda, 17 621 naýqas ambýlatoriialyq deńgeide em qabyldaýda.
Koronavirýsqa shaldyqqandar arasynda:
• 302 adamnyń jaǵdaiy aýyr;
• 47 patsienttiń jaǵdaiy óte aýyr;
• 40 naýqas ÓJJ apparatynda jatyr.
