Qazaqstanda 18 jeltoqsan kúni 719 adamnyń koronavirýs infektsiiasyn juqtyrǵany rastaldy. Bul týraly koronavirýspen kúres jónindegi jedel shtab Telegram-kanalynda habarlandy.
Keiingi ailarda kúndelik naýqastar sany turaqty túrde júzden asyp, bul kórsetkish boiynsha ózge aimaqtardan edáýir joǵary bolyp kelgen soltústik oblystarda virýs juqtyrǵany rastalǵandar táýlik saiyn azaiyp keledi.
Máselen, sharyqtaý sheginde 353 naýqas tirkelgen Shyǵys Qazaqstan oblysynda ótken táýlikte 63 naýqas anyqtalǵan. Qarasha aiynda virýs juqtyrǵandar kún saiyn júzden asyp kelgen Soltústik Qazaqstan oblysy men Pavlodar oblysynda kúndelik kórsetkish birtindep azaiyp, 18 jeltoqsan kúni koronavirýspen eki oblysta 64 jáne 95 adam tirkeldi.
Al Jeltoqsan aiynda indettiń taraýy kúrt órship, qyzyl aimaqqa kirgen Nur-Sultan qalasynda da jaǵdai turaqtanǵandai kórinedi. 16 jeltoqsanda 111 naýqas anyqtalsa, 17 jeltoqsanda 54, 18 jeltoqsanda 55 naýqas tirkelgen.
Tek Atyraý oblysynda ǵana aitarlyq ósý baiqalyp otyr. Qarasha aiynda Covid naýqastarynyń kúndelik sany 20-dan aspai kelgen bul oblysta jeltoqsan aiynda virýs juqtyrǵany rastalǵandar sany birtindep arta bastaǵan. Oblysta 17 jeltoqsanda 60 naýqas tirkelse, 18 jeltoqsan kúni 95 naýqas tirkelgen.
Qalǵan aimaqtarda jaǵdai salystyrmaly túrde birqalypty.
Qazaqstanda virýs juqtyrǵany rastalǵan adamdardyń sany osymen 145 932-ge jetti. Bul statistikaǵa PTR testimen rastalmaǵan, diagnozy aýrý belgileri boiynsha qoiylǵan koronavirýs pnevmoniiasy naýqastarynyń sany qosylmaǵan.
Koronavirýs pnevmoniiasynyń esebin Qazaqstan úkimeti 1 tamyzdan beri júrgizip keledi. Pnevmoniianyń bul túrimen 18 jeltoqsanǵa deiin 44 338 adam tirkelgen. Onyń 468-i qaitys bolǵan.
Densaýlyq saqtaý ministrliginiń deregine súiensek, 19 jeltoqsandaǵy aqparat boiynsha koronavirýs juqtyrǵan 259 adamnyń jaǵdaiy aýyr.
25 568 adam koronovirýs infektsiiasynan (13 800 KVI+ jáne 11 768 KVI-) emdelýde, olardyń ishinde 4 397 patsient - statsionarda, 21 171 naýqas ambýlatoriialyq deńgeide em qabyldaýda.
Aimaqtar boiynsha koronavirýsqa qatysty jalpy derek:
Nur-Sultan qalasy - 55
Almaty qalasy - 65
Aqmola oblysy - 58
Aqtóbe oblysy - 11
Almaty oblysy - 45
Atyraý oblysy - 95
Shyǵys Qazaqstan oblysy - 63
Jambyl oblysy - 14
Batys Qazaqstan oblysy - 37
Qaraǵandy oblysy - 32
Qostanai oblysy - 67
Qyzylorda oblysy - 1
Mańǵystaý oblysy - 10
Pavlodar oblysy - 95
Soltústik Qazaqstan oblysy - 64
Túrkistan oblysy - 7
