Qazaqstanda taǵy 571 adamnyń koronavirýs testi oń shyqty. 4 adamǵa koronavirýs pnevmoniiasy diagnozy qoiyldy. Koronavirýs pnevmoniiasy - bul PTR testpen emes, klinikalyq belgileri boiynsha Covid diagnozy qoiylatyn pnevmoniianyń koronavirýsqa uqsas túri. 7 naýryz kúngi málimet boiynsha, 9 adam ólimi tirkelgen: 7 adam - koronavirýstan, 2 adam koronavirýs pnevmoniiasynan qaitys boldy dep aitylady.
PTR testi oń shyqqan naýqastardyń táýliktik kórsetkishi boiynsha birinshi orynda Almaty qalasy tur. Dúisenbi kúni munda 118 naýqas anyqtalǵan. Aqmola oblysynda - 73, Pavlodar oblysynda - 63, Nur-Sultan qalasynda - 61, Qostanai oblysynda - 50, Batys Qazaqstan oblysynda - 39, Almaty oblysynda - 38, Qaraǵandy oblysynda - 35, Atyraý oblysynda - 27, Soltústik Qazaqstan oblysynda - 24, Shyǵys Qazaqstan oblysynda - 18, Jambyl oblysynda - 17, Aqtóbe, Mańǵystaý, Túrkistan oblystarynda árqaisysynda 3 adamnan koronavirýs anyqtalǵan.
2020 jyldyń naýryz aiynan beri 219 325 adamnyń koronavirýs testi oń shyqqan. Sodan beri 2 819-y qaitys bolǵan. Koronavirýs anyqtalǵan, biraq arnaiy komissiia "Covid-ten emes, basqa aýrýdan qaitys boldy" delingen júzdegen adam ólimi bul statistikaǵa engizilmegen. Statistikada "koronavirýsqa uqsas pnevmoniiadan" qaitys bolǵandar da kórsetilmegen.
2020 jyldyń 1 tamyzynan beri elde 49 577 adamnan koronavirýs pnevmoniiasy anyqtalǵan, 646 adam qaitys bolǵan. Elde koronavirýs pnevmoniiasyna shaldyqqandar byltyr maýsym men shilde ailarynda da baiqalǵanmen onyń esebi tek 1 tamyzdan bastap júrgizile bastady. Densaýlyq saqtaý ministrligi munyń sebebin koronavirýs pnevmoniiasyn jalpy pnevmoniiadan ajyratý qiyndyǵymen túsindirdi.
Vedomstvo baspasóz qyzmetiniń habarlaýynsha, koronavirýs infektsiiasyna shaldyqqandar týraly 2021 jylǵy 9 naýryzdaǵy málimet boiynsha Qazaqstanda 18 758 adam koronovirýs infektsiiasynan (13 812 KVI+ jáne 4 946 KVI-) emdelýde. Olardyń ishinde 4 638 patsient - statsionarda, 14 120 naýqas ambýlatoriialyq deńgeide em qabyldap jatyr.
KVI+, KVI- shaldyqqandardyń arasynda:
• 254 adamnyń jaǵdaiy aýyr;
• 54 patsienttiń jaǵdaiy óte aýyr;
• 40 naýqas ÓJJ apparatynda jatyr.
Sondai-aq, Qazaqstanda 9 naýryzdaǵy jaǵdai boiynsha, Nur-Sultan men Almaty qalalary jáne Batys Qazaqstan, Atyraý, Aqmola jáne Pavlodar oblystary «sary» aimaqta tur.
Al qalǵan óńirler - «jasyl» aimaqta.
«Qyzyl» aimaqta eshbir oblys joq.
Jalpy Qazaqstan koronavirýstyń taralý qaýpi jaǵynan «jasyl» aimaqta ornalasqan.
Amerikalyq Djons Hopkins ýniversitetiniń málimetinshe, álemde 117,1 mln adamnan koronavirýs anyqtalǵan, shamamen 2,6 mln adam qaitys bolǵan.
