8 qarashada Qazaqstanda 46 adamnyń koronavirýs pnevmoniiasyna shaldyqqany anyqtaldy. Bir kúnde 44 adam jazyldy. Táýlik ishinde aýrýdyń osy túri boiynsha adam ólimi tirkelmegen.
Qazaqstan biligi PTR-testimen rastalmaǵan, biraq aýrý belgileri boiynsha koronavirýsqa uqsaityn pnevmoniia esebin 1 tamyzdan beri júrgizip keledi. Densaýlyq saqtaý ministrliginiń málimetinshe, tamyzdyń basynan 8 qarashaǵa deiin 39 104 adamǵa koronavirýs pnevmoniiasy diagnozy qoiylǵan: 29 myńnan astamy adam jazylǵan, 409-y qaitys bolǵan.
Ótken táýlikte koronavirýs juqqany PTR-testimen rastalǵan naýqastar arasynda 6 adam ólimi tirkelgen. 13 naýryz ben 8 qarasha aralyǵynda 116 myńnan asa adamnyń koronavirýs juqtyrǵany PTR testimen rastalǵan, 1899-y qaitys bolǵan.
Qazir 7 030 adam koronavirýstan emdelip jatyr, 375-i - bala. 2 813 naýqas statsionarda em qabyldap jatyr, 190 naýqastyń ahýaly nashar, 20 adamnyń jaǵdaiy - óte aýyr, 27 adam jasandy tynys alý apparatymen dem alyp jatyr.
9 qarashadan bastap Qazaqstannyń tórt oblysynda (Pavlodar, SQO, Qostanai jáne Aqmola oblystary) karantin sharalary kúsheiip, blokpostar qoiyldy.
