Ótken táýlikte Qazaqstanda 2549 adamnan koronavirýs anyqtaldy. Eki kún buryn 127 adamǵa koronavirýs pnevmoniiasy diagnozy qoiylǵan. Sol kúni 37 adam qaitys bolǵan: 33 adam – koronavirýstan, 4 adam koronavirýs pnevmoniiasynan kóz jumdy dep aitylady.
Beisenbi kúni Almatyda 557 adamnan koronavirýs anyqtalǵan. Bul respýblika boiynsha bir kúnde tirkelgen eń joǵary kórsetkish. Nur-Sultanda – 452, Shymkentte – 125, Aqmola oblysynda – 130, Aqtóbe oblysynda – 102, Almaty oblysynda – 222, Atyraý oblysynda – 75, Shyǵys Qazaqstan oblysynda – 102, Jambyl oblysynda – 34, Batys Qazaqstan oblysynda – 123, Qaraǵandy oblysynda – 27, Qostanai oblysynda – 27, Qyzylorda oblysynda – 31, Mańǵystaý oblysynda – 46, Pavlodar oblysynda – 102, Soltústik Qazaqstan oblysynda – 25, Túrkistan oblysynda 48 adamnyń analizinen Covid anyqtalǵan.
2020 jyldyń naýryz aiynan beri Qazaqstanda 353 140 adamnyń koronavirýs testi oń shyqqan. Sodan beri 4017-i qaitys bolǵan.
Densaýlyq saqtaý ministrligi pnevmoniianyń koronavirýsqa uqsas túrin (koronavirýs pnevmoniiasy) 1 tamyzdan beri esepke alyp keledi. Oǵan deiin qansha adamnyń koronavirýs pnevmoniiamen aýyrǵany belgisiz. Sodan beri 53 884 adamǵa koronavirýs pnevoniiasy juqqan. 851-i sodan qaitys boldy dep aitylady.
Qazir 39 472 adam koronavirýstan emdelip jatyr. 39 myńǵa jýyǵynyń PTR-testi oń kórsetken. 774 patsienttiń jaǵdaýy aýyr, 180 naýqastyń jaǵdaiy tym múshkil. 110 adam jasandy tynys apparatyna qosylǵan.
Elde 1 aqpannan bastap koronavirýsqa qarsy vaktsinalaý naýqany bastalǵan. Bastapqyda ekpe tek dárigerlerge egildi. Qazir turǵyndarǵa jappai salynyp jatyr. 14 mamyr kúngi málimet boiynsha 1 mln 790 myń adam vaktsinanyń keminde bir dozasyn alǵan. 722 myń adamǵa eki dozasy salynǵan. Qazaqstandyqtarǵa reseilik Spýtnik V, elde ázirlengen QazVac jáne qytailyq Sinopharm kompaniiasynyń BAÁ-de shyǵarylǵan vaktsinasy salynyp jatyr.
Amerikalyq Djons Hopkins ýniversitetiniń
málimetinshe, indet bastalǵaly beri álemde 160,8 mln adamǵa koronavirýs juqqan. Shamamen 96 mln jazylǵan, 3,34 mln adam qaitys bolǵan.
