Ótken táýlikte Qazaqstanda taǵy 1747 adamnyń PTR testi oń shyqty. Eki kún buryn 80 adamnan koronavirýs pnevmoniiasy tabylǵan. 26 adam koronavirýstan qaitys bolǵan: 24 adam – koronavirýstan, 2 adam koronavirýs pnevmoniiasynan kóz jumdy dep aitylady. Bul týraly densaýlyq saqtaý ministrligi habarlady.
27 mamyrda Qaraǵandy oblysynda – 324, Nur-Sultanda – 246, Almatyda – 279, Aqmola oblysynda – 127, Almaty oblysynda – 97, Pavlodar oblysynda – 105, Batys Qazaqstan oblysynda 95 adamnan koronavirýs anyqtaldy. Shymkentte – 63, Aqtóbe oblysynda – 53, Atyraý oblysynda – 85, Shyǵys Qazaqstan oblysynda – 95, Jambyl oblysynda – 17, Qostanai oblysynda – 42, Qyzylorda oblysynda – 13, Mańǵystaý oblysynda – 42, Soltústik Qazaqstan oblysynda – 40, Túrkistan oblysynda 24 naýqas tirkelgen.
2020 jyldyń 13 naýryzynan beri 381 907 adamnyń PTR testi oń shyqqan, 3903-i qaitys bolǵan.
2020 jyldyń 1 tamyzynan beri elde 55 024 adamǵa koronavirýs pnevmoniiasy diagnozy qoiylǵan. 3351-i qaitys bolǵan.
Ótken aptada Qazaqstan densaýlyq saqtaý ministrligi indet bastalǵaly beri bir jyl tórt ai ishinde tirkelgen derekter "naqtylanǵannan keiin" koronavirýstan qaitys bolǵandar deregine 2 myńnan astam adam ólimin engizgen.
28 mamyr kúngi málimet boiynsha, Qazaqstanda 2 mln 76 myń adamǵa koronavirýsqa qarsy vaktsinanyń keminde alǵashqy dozasy salynǵan. 1 mln 21 myńnan astam adam vaktsinanyń eki dozasyn alǵan.
Qazir Aqmola, Qaraǵandy oblystary, Almaty men Nur-Sultan qalalary "qyzyl aimaqta" tur. Atyraý, Pavlodar, Batys Qazaqstan oblysy, Qostanai oblysy, Soltústik Qazaqstan oblysy "sary aimaqta" tur. Qalǵany oblystar "jasyl aimaqta".
Sondai-aq, 28 mamyrdaǵy málimet boiynsha, 30 153 adam koronavirýs infektsiiasynan (29 576 KVI+ jáne 577 KVI-) emdelip jatyr. Olardyń ishinde 11 432 patsient statsionarda, 18 721 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 665 adamnyń jaǵdaiy aýyr,
• 154 patsienttiń jaǵdaiy óte aýyr,
• 101 naýqas ÓJJ apparatynda jatyr.
Amerikalyq Djons Hopkins ýniversitetiniń málimeti boiynsha, álemde koronavirýs juqtyrǵandar 168 mln adamǵa jetken. 3 mln 507 myń adam virýstan qaitys bolǵan.
