24 mamyrda Qazaqstanda 1558 adamnyń analizinen kornavirýs tabyldy. Densaýlyq saqtaý ministrliginiń habarlaýynsha, eki kún buryn 10 adamǵa koronavirýs pnevmoniiasy diagnozy qoiylǵan. 24 adam qaitys bolǵan: 23 adam – koronavirýstan, 1 adam koronavirýs pnevmoniiasynan kóz jumdy dep aitylady.
Ótken táýlikte Almatyda – 348, Qaraǵandy oblysynda – 348, Nur-Sultanda – 174, Aqmola oblysynda – 133, Almaty oblysynda – 106, Pavlodar oblysynda – 75, Batys Qazaqstan oblysynda 68 adamnan koronavirýs anyqtaldy. Shymkentte – 27, Aqtóbe oblysynda – 20, Atyraý oblysynda – 36, Shyǵys Qazaqstan oblysynda – 73, Jambyl oblysynda – 18, Qostanai oblysynda – 40, Qyzylorda oblysynda – 13, Mańǵystaý oblysynda – 16, Soltústik Qazaqstan oblysynda – 45, Túrkistan oblysynda 18 naýqas tirkelgen.
2020 jyldyń 13 naýryzynan beri 376 572 adamnyń PTR testi oń shyqqan, 3828-i qaitys bolǵan.
Qazaqstan biligi pnevmoniianyń koronavirýsqa uqsas túri – koronavirýs pnevmoniiasyna shaldyqqandardy Covid statistikasyna engizbegen. Biraq halyqaralyq uiymnyń yqpalymen ótken jyldyń 1 tamyzynan beri esepke ala bastaǵan. Sodan beri 54 716 adamǵa koronavirýs pnevmoniiasy diagnozy qoiylǵan. 3345-i qaitys bolǵan.
Ótken aptada Qazaqstan densaýlyq saqtaý ministrligi indet bastalǵaly beri bir jyl tórt ai ishinde tirkelgen derekter"naqtylanǵannan keiin" koronavirýstan qaitys bolǵandar deregine 2 myńnan astam adam ólimin engizgen.
25 mamyr kúngi málimet boiynsha, Qazaqstanda 2 mln 15 myń adamǵa koronavirýsqa qarsy vaktsinanyń keminde alǵashqy dozasy salynǵan. 949 myńnan astam adam vaktsinanyń eki dozasyn alǵan.
25 mamyrda densaýlyq saqtaý ministrligi elde epidemiologiialyq ahýaldyń turaqtanǵanyn aitty. Densaýlyq saqtai ministri Aleksei Tsoidyń aitýynsha, sáýirdiń sońy men mamyrdyń basymen salystyrǵanda qazir naýqastardyń aptalyq kórsetkishi 4 myńǵa azaiǵan. Sońǵy aida aýrý kólemi 20 paiyzǵa qysqarǵan.
Sondai-aq, 25 mamyrdaǵy málimet boiynsha, Qazaqstanda 32 254 adam koronavirýs infektsiiasynan (31 766 KVI+ jáne 488 KVI-) emdelip jatyr.
Olardyń ishinde 12 452 patsient statsionarda, 19 802 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 696 adamnyń jaǵdaiy aýyr,
• 177 patsienttiń jaǵdaiy óte aýyr,
• 105 naýqas jasandy tynys alý apparatynda jatyr.
Amerikalyq Djons Hopkins ýniversitetiniń málimeti boiynsha, álemde koronavirýs juqtyrǵandar 167 mln adamǵa jetken. 3 mln 473 myń adam virýstan qaitys bolǵan.
