Qazaqstanda taǵy 1445 adamnyń koronavirýs testi oń shyqty. 10 adamǵa koronavirýs pnevmoniiasy diagnozy qoiyldy. Densaýlyq saqtaý ministrliginiń 30 naýryz kúngi habarlamasynda osyndai málimet kórsetilgen. Bir kúnde 17 adam ólimi tirkelgen: 15 adam – koronavirýstan, 2 adam koronavirýs pnevmoniiasynan qaitys boldy dep aitylady. (Ministrlik adam ólimi men koronavirýs pnevmoniiasy kórsetkishin jariialaǵan kezde eki kún burynǵy málimetti jariialaidy, naqty jaǵdaida - 28 naýryz kúngi málimet).
29 naýryzda eń kóp naýqas Almaty qalasynda tirkelgen. Jalpy aimaqtaǵy ahýal tómendegidei:
- Almaty qalasynda - 33557 (bir kúnde +545 jańa naýqas tirkeldi)
- Nur-Sultan qalasynda – 30238 (+204)
- Shyǵys Qazaqstan oblysynda - 22822 (+22)
- Pavlodar oblysynda - 19090 (+30)
- Atyraý oblysynda - 18577 (+63)
- Qaraǵandy oblysynda - 17563 (+92)
- Aqmola oblysynda – 15284 (+45)
- Batys Qazaqstan oblysynda – 14952 (+76)
- Qostanai oblysynda - 13747 (+38)
- Soltústik Qazaqstan oblysynda - 13026 (+25)
- Almaty oblysynda - 13287 (+177)
- Shymkent qalasynda -6758 (+13)
- Jambyl oblysynda – 6373 (+25)
- Aqtóbe oblysynda - 5154 (+73)
- Túrkistan oblysynda – 4478 (+8)
- Mańǵystaý oblysynda - 4396 (+0)
- Qyzylorda oblysynda - 4016 (+9).
2020 jyldyń naýryz aiynan beri 243 318 adamnyń koronavirýs testi oń shyqqan. 218 031 adam jazylǵan. Sodan beri 3029 adam qaitys bolǵan.
Qazaqstan biligi 2020 jyldyń 1 tamyzynan beri koronavirýs pnevmoniiasyna shaldyqqandardy bólek eseptep keledi. Biraq oǵan deiin qansha adamnyń koronavirýsqa uqsas pnevmoniiaǵa shaldyqqany belgisiz. Densaýlyq saqtaý ministrligi olardy pnevmoniianyń jalpy túrinen ajyratý qiyn bolǵanyn aitqan.
Sodan beri 50 443 adam koronavirýs pnevmoniiasyna shaldyqqan, 684 adam qaitys bolǵan.
Qazir 24 180 adam koronavirýstan emdelip jatyr. 364 naýqastyń jaǵdaiy – aýyr, 76 patsienttiń háli – óte aýyr, 46 adam jasandy tynys apparatyna qosylǵan.
Amerikalyq Djons Hopkins ýniversitetiniń málimeti boiynsha, indet bastalǵaly beri álemde 127 mln 581 myń adamǵa koronavirýs juqqan. 2 mln 791 myń adam qaitys bolǵan. 72 mln adam jazylǵan.
