17 maýsymda Qazaqstanda 1174 adamnyń analizinen koronavirýs anyqtaldy. Astanada bir kúnde 372 adamnyń Covid-ke shaldyqqany belgili boldy. Bul - respýblika boiynsha tirkelgen eń joǵary kórsetkish. Qaraǵandy oblysynda – 152, Almatyda 105 naýqas anyqtalǵan. Qalǵan qalalar men oblystarda anyqtalǵan naýqastar júzge jetpeidi.
2020 jyldyń naýryz aiynan beri elde 406 383 adamnyń koronavirýs testi oń shyqqan.
16 maýsymda taǵy 79 adam pnevmoniianyń koronavirýsqa uqsas túrine shaldyqqan. Qazaqstan biligi koronavirýs pen koronavirýs pnevmoniiasyna shaldyqqandardy bólek eseptep keledi. Biraq halyqaralyq uiymdardyń saitynda eki kórsetkish biriktirilgen. 2020 jyldyń 1 tamyzynan beri 56 412 adam "pnevmoniiamen" aýyrǵan.
Indet bastalǵaly beri 4211 adam (16 maýsymda 8 adam qaitys bolǵan) koronavirýstan qaitys bolǵan. Taǵy 3421 adamnyń ólimine koronavirýs pnevmoniiasy sebep boldy (16 maýsymda 1 adam kóz jumǵan) dep aitylady. Odan bólek, indet bastalǵaly beri shamamen 2 myń adam koronavirýstyń "janama áserinen" qaitys bolǵan. Qazaqstanda mundai adam ólimi kórsetkishi Covid statistikasyna engizilmeidi.
Sońǵy málimet boiynsha, elde 2 mln 676 myń adam koronavirýsqa qarsy vaktsinanyń keminde bir dozasyn alǵan. 1 mln 578 myńy eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Ótken táýlikte 46 myń adamǵa vaktsina salynǵan. Vaktsinalanǵan turǵyndardyń úlesi boiynsha Shymkent qalasy (221 myń adam) alda tur. Munda turǵyndardyń 20,1 paiyzyna ekpe egilgen. Almaty halqynyń – 18,3%, Túrkistan oblysy halqynyń 14,5 paiyzy vaktsina alǵan. Bul kórsetkish boiynsha Mańǵystaý oblysy sońǵy orynda tur. Munda halyqtyń 6,7% (48,4 myń adam) vaktsinalaýdan ótken.
Sondai-aq, 18 maýsymdaǵy málimet boiynsha 20 899 adam koronavirýs infektsiiasynan (19 711 KVI+ jáne 1 188 KVI-) emdelip jatyr.
Olardyń ishinde:
6 403 patsient statsionarda,
14 496 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
442 adamnyń jaǵdaiy aýyr,
106 patsienttiń jaǵdaiy óte aýyr,
72 naýqas ÓJJ apparatynda jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 177 mln 368 myń adamnan koronavirýs anyqtalǵan. 3 mln 840 myń adam qaitys bolǵan.
