Qazaqstanda 23 naýryzda 1088 adamnan koronavirýs tabylyp, taǵy jeti adam qaitys boldy. Bul týraly densaýlyq saqtaý ministrligi habarlady.
Elde 22 naýryzda 15 adamnan "koronavirýs pnevmoniiasy" (analizi - teris, biraq Covid belgileri bar) anyqtaldy. Olardyń 11-i Aqtóbe oblysynda tirkelgen. "Pnevmoniiadan" úsh adam qaitys boldy.
PTR testinen koronavirýs anyqtalǵandardyń basym bóligi – Almaty (380) men Nur-Sultanda (152). Qazir bul eki qalada qatań shekteý engizilgen.
Elde resmi túrde 235 095 adamnan koronavirýs tabyldy. 2941 naýqas qaitys boldy.
Bul statistikaǵa "koronavirýs pnevmoniiasy" enbegen. Bilik "pnevmoniia" statistikasyn tek 1 tamyzdan júrgize bastaǵan. Segiz aiǵa jýyq ýaqytta elde 50 146 adam "koronavirýs pnevmoniiasyna" shaldyǵyp, 667 adam kóz jumdy.
Jazda indet órship, pnevmoniiamen elde aýrýhanaǵa túskender men kóz jumǵandar kúrt kóbeigen. Biraq tamyzdyń basyna deiin "pnevmoniiaǵa" shaldyqqan jáne kóz jumǵandar eshqandai statistikaǵa enbei qaldy. Ministrlik maýsym-tamyz arasynda "koronavirýs pnevmoniiasyna" shaldyqqandardy "tehnikalyq qiyndyqtarǵa" siltep, statistikaǵa qospady.
Densaýlyq ministrligi óziniń resmi statistikasyn koronavirýs tabylǵandar men "koronavirýs pnevmoniiasyna" shaldyqqandar dep ekige bólip júrgizip keledi.
AQSh-taǵy Djons Hopkins ýniversitetiniń málimetinshe, álemde 124 millionnan asa adamnan virýs tabylǵan. 2,7 millionnan asa adam kóz jumsa, 70 millionnan asa adam dertten aiyqty.
Aimaqtar boiynsha tolyq derek:
Nur-Sultan qalasy - 152
Almaty qalasy - 380
Shymkent qalasy - 21
Aqmola oblysy - 49
Aqtóbe oblysy - 28
Almaty oblysy - 109
Atyraý oblysy - 63
Shyǵys Qazaqstan oblysy - 18
Jambyl oblysy - 5
Batys Qazaqstan oblysy - 74
Qaraǵandy oblysy - 90
Qostanai oblysy - 41
Qyzylorda oblysy - 10
Mańǵystaý oblysy - 1
Pavlodar oblysy - 29
Soltústik Qazaqstan oblysy - 12
Túrkistan oblysy - 6
Densaýlyq saqtaý ministrliginiń málimeti boiynsha, qazir elde 22 014 adam koronovirýs infektsiiasynan (19 246 KVI+ jáne 2 768 KVI-) emdelip jatyr.
Olardyń ishinde 6 537 patsient - statsionarda, 15 477 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 304 adamnyń jaǵdaiy aýyr;
• 75 patsienttiń jaǵdaiy óte aýyr;
• 42 naýqas ÓJJ apparatynda jatyr.
