Qazaqstanda syra men sharap jarnamasyna ruqsat berilmek. Bul týraly búgin QR Aqparat jáne qoǵamdyq damý ministrligi BAQ salasyndaǵy memlekettik saiasat departamentiniń direktory Baqniiaz Qarashina aitty, dep habarlaidy QazAqparat.
«Zań jobasy aiasynda 5 negizgi normany engizý kózdelip otyr. Birinshi – otandyq baspasóz, BAQ úshin salyqtyq jeńildikter. Ekinshi – memlekettik aqparattyq saiasattyń biryńǵai júiesin qurý. Úshinshi – otandyq BAQ-ta syra men sharaptyń saýda belgisine nemese ataýyna jarnama jasaýǵa tyiymdy alý tastaý. Tórtinshi - memlekettik qatysy bar teleradioarnalar úshin habar taratý tilin anyqtaýda ókiletti organnyń quziretin bekitý. Sońǵysy – aqparatqa qoljetimdilik týraly zańnamany jetildirý», - dedi ol Aqparat jáne qoǵamdyq damý salasyndaǵy qoǵamdyq keńestiń otyrysynda.
Onyń atap ótýinshe, gazet pen jýrnaldar úshin 2021 jyldan bastap 10 jyl merzimge nóldik mólsherlememen qosylǵan qun salyǵyn engizý kózdeledi. Mundai jeńildik basylymnyń mindetti túrde onlain-nusqasy bolǵan kezde ǵana usynylady.
«Sonymen qatar zań jobasynda Qazaqstan aýmaǵynda shyǵarylǵan syra men sharaptyń taýarlyq belgisi men ataýyna jarnama jasaýǵa tyiymdy alý tastaý usynylady. Bul Internet jelisi men sheteldik kabeldik telearnalardy mundai jarnamanyń ornalastyrýymen, al qazaqstandyq BAQ bul kirisi kózinen airylyp otyrǵanymen bailanysty. Bul sýsyndardyń jarnamasy gazetterdiń birinshi jáne sońǵy betterine, jýrnaldardyń muqabasyna jariialanbaýy tiis. Telearnalar úshin mundai jarnama saǵat 22-00-den 06-00-ge deiin ǵana ruqsat etiledi», - dedi Baqniiaz Qarashina.
Departament basshysynyń aitýynsha, mundai jarnamalardyń alkogol ónimderin shamadan tys ishýdiń ziiany týraly mindetti eskertýi bolady. Sonymen qatar syra men sharap jarnamasynan keiin ile-shala salaýaty ómir saltyn nasihattan rolikter kórsetiledi.
