7 qazannan bastap suiytylǵan munai gazyn (SMG) avtomobil kóligimen áketýge úsh jyl merzimge tyiym salyndy, dep habarlaidy "Ult aqparat" Energetika ministrliginiń baspasóz qyzmetine silteme jasap.
Ministrliktiń habarlaýynsha, buǵan deiin tyiym 2017 jyly úsh jyldyq merzimge engizilgen bolatyn.
Máselen, 2017 jyly eksporttyq jáne ishki baǵalar arasyndaǵy aiyrmashylyq edáýir joǵary bolǵan kezde ishki naryqtyń qajettilikteri úshin SMG-ni bólýdiń qoldanystaǵy tetiginde ótinimderdi qalyptastyrý jáne oryndaý kezinde, sondai-aq QR ishki naryǵynda SMG-ni bólý kezinde gaz jelisi uiymdary tarapynan teris paidalaný faktileri paida bolady. Jekelegen gaz jelisi uiymdary ishki naryq qajettilikterin qamtamasyz etýge arnalǵan arzandatylǵan SMG-ni Qazaqstan Respýblikasynan tys jerlerge zańsyz áketýdi júzege asyrdy. Suiytylǵan munai gazyn Qazaqstan Respýblikasynan tys jerlerge gaz jelisi uiymdarynyń zańsyz áketýi avtomobilmen júzege asyrylady, óitkeni bul - is júzinde baqylanbaityn kólik túri.
2017 jyly joǵaryda atalǵan tyiym salý týraly buiryq qabyldanǵannan keiin ishki naryqta SMG-ni jetkizý boiynsha jaǵdai turaqtaldy, sondai-aq Qazaqstan Respýblikasynyń Shekara jáne Keden qyzmetterinen avtomobil kóligimen suiytylǵan munai gazyn Qazaqstan Respýblikasynan tys jerlerge áketýge áreket jasaý faktileri týraly málimetter túsken joq.
Osylaisha, osy buiryqtyń qabyldanýy suiytylǵan munai gazyn elimizden tys jerlerge zańsyz áketýge jol bermeýge jáne ishki bekitilgen baǵalar men eksporttyq baǵalardyń edáýir aiyrmashylyǵyna bailanysty ishki naryqta suiytylǵan munai gazynyń tapshylyǵyna jol bermeýge baǵyttalady.
