2020 jylǵy 3-toqsanda suiytylǵan munai gazyn kóterme saýdada ótkizýdiń baǵalary qosylǵan qun salyǵyn (QQS) esepke almaǵanda 28 000 teńgeni quraidy, dep habarlaidy "Ult aqparat" QR Energetika ministrliginiń baspasóz qyzmetine silteme jasap.
«Gaz jáne gazben jabdyqtaý týraly» QR Zańyna sáikes Qazaqstan Respýblikasynyń ishki naryǵynda elektrondyq saýda alańdarynan tys suiytylǵan munai gazyn jetkizý jospary aiasynda saýdalanatyn suiytylǵan munai gazynyń shekti baǵalary memleket tarapynan rettelip otyrady.
«Energetika ministrligi shekti baǵany Ulttyq ekonomika ministrliginiń kelisimimen toqsan saiyn bekitedi jáne ol Qazaqstan Respýblikasynyń barlyq aýmaǵynda qoldanylady. Shekti baǵa 2018 jyldyń I-toqsany - 2020 jyldyń I-toqsany aralyǵynda QQS esebinsiz tonnasyna 38 701,67 teńge deńgeiinde saqtaldy. Shekti baǵa 2020 jyldyń 3-toqsanynda QQS esebinsiz tonnasyna 28 000 teńge deńgeiinde belgilendi. Buryn, shekti baǵa 2017 jyldyń 1-toqsanynda QQS esebinsiz tonnasyna 28 000 teńge deńgeiinde belgilengen bolatyn», - dep atap ótedi ministrlikten.
Bul rette, ministrlik bekitetin shekti baǵalardyń deńgeiine áser etetin syrtqy naryqtaǵy baǵalar shamadan tys quldyraǵan jaǵdaida otandyq óndirýshiler úshin saldardy barynsha azaitý maqsatynda shekti baǵany 2017 jyldyń 1-toqsanynda belgilengen baǵalar deńgeiinen, iaǵni QQS-syz tonnasyna 28 000 teńgeden tómendeýge jol bermeý jóninde tiisti normalar kózdelgen.
