Elimizde sút ónimderiniń baǵasy bir jylda 7% ósti, dep habarlaidy "Ult aqparat" energyprom.kz resýrsyna silteme jasap
Salystyrmaly túrde tiisti kezeńde infliatsiianyń jalpy deńgeii - 5,3 paiyz bolsa, azyq-túlik ónimderi bir jylda - 8,2 paiyzǵa, al azyq-túlik taýarlary - 8,1 paiyzǵa qymbattaǵan.
Jeltoqsan aiynyń qorytyndysy boiynsha, elimizde shiki súttiń 1 litri - orta eseppen 222 teńgeni quraǵan, al bir jyl buryn ol 211 teńge bolǵan. Pasterlengen súttiń 1 litri – 251 teńge, 2018 jyly ol 228 teńge shamasynda bolǵan.
Jalpy, Qazaqstanda sút óndirý kólemi ulǵaiǵan. Ótken jyldyń 11 aiynda 509,3 myń tonna óńdelgen sút pen kilegei shyǵarylǵan, bir jyl buryn bul kórsetkish 476,3 myń tonna bolǵan. Sút ónimderiniń 30% - Soltústik Qazaqstan oblysyna tiesili.
Almaty, Aqmola jáne Qostanai oblystary da kósh basynda tur.
