Jyl basynan beri Qazaqstanda sút baǵasy 17 paiyzǵa qymbattady, - dep habarlaidy Tengrinews.kz tilshisi Energyprom.kz saityna silteme jasap.
Biyl qańtar-mamyrda suiyq sút pen kilegei óndirisi byltyrǵymen salystyrǵanda 7 paiyzǵa tómendep, 235,3 myń tonna bolǵan. Bul sońǵy alty jylda birinshi ret óndiristiń tómendeýi. Súttiń basym bóligi Soltústik Qazaqstan (75,7 myń tonna) jáne Almaty (44,2 myń tonna) oblystarynda óndirildi.
Sút pen kilegeige degen suranystyń 95,9 paiyzyn qazaqstandyq zaýyttar qamtamasyz etti. Shetelden ákelinetin sút pen kilegei úlesi 3,7-den 4,1 paiyzǵa deiin ósti. Ishki naryqtaǵy satý kólemi 3,7 paiyzǵa, iaǵni 192 myń tonnaǵa, al eksport eki esege jýyq qysqaryp, 5,6 myń tonnaǵa deiin tómendegen.
Maýsymnyń qorytyndysy boiynsha sút baǵasy birden 2,4 paiyzǵa, al jyl basynan beri birden 17,2 paiyzǵa qymbattaǵan. Byltyrǵymen salystyrǵanda sút baǵasy 21,5 paiyzǵa qymbattady.
Biylǵy jyldyń birinshi toqsanynda shiki sútti tutyný jan basyna shaqqanda orta eseppen 3,5 litr bolǵan, bul 2021 jyldyń sáikes kezeńimen salystyrǵanda bes paiyzǵa az. Kilegei tutyný, kerisinshe, bir jarym ese ósken, biraq jan basyna shaqqanda ortasha eseppen 47 millilitrge deiin ǵana.
