قازاقستاندا سٷت قىمباتتادى

جىل باسىنان بەرٸ قازاقستاندا سٷت باعاسى 17 پايىزعا قىمباتتادى, - دەپ حابارلايدى Tengrinews.kz تٸلشٸسٸ Energyprom.kz سايتىنا سٸلتەمە جاساپ.

بيىل قاڭتار-مامىردا سۇيىق سٷت پەن كٸلەگەي ٶندٸرٸسٸ بىلتىرعىمەن سالىستىرعاندا 7 پايىزعا تٶمەندەپ, 235,3 مىڭ توننا بولعان. بۇل سوڭعى التى جىلدا بٸرٸنشٸ رەت ٶندٸرٸستٸڭ تٶمەندەۋٸ. سٷتتٸڭ باسىم بٶلٸگٸ سولتٷستٸك قازاقستان (75,7 مىڭ توننا) جەنە الماتى (44,2 مىڭ توننا) وبلىستارىندا ٶندٸرٸلدٸ.

سٷت پەن كٸلەگەيگە دەگەن سۇرانىستىڭ 95,9 پايىزىن قازاقستاندىق زاۋىتتار قامتاماسىز ەتتٸ. شەتەلدەن ەكەلٸنەتٸن سٷت پەن كٸلەگەي ٷلەسٸ 3,7-دەن 4,1 پايىزعا دەيٸن ٶستٸ. ٸشكٸ نارىقتاعى ساتۋ كٶلەمٸ 3,7 پايىزعا, ياعني 192 مىڭ تونناعا, ال ەكسپورت ەكٸ ەسەگە جۋىق قىسقارىپ, 5,6 مىڭ تونناعا دەيٸن تٶمەندەگەن.

ماۋسىمنىڭ قورىتىندىسى بويىنشا سٷت باعاسى بٸردەن 2,4 پايىزعا, ال جىل باسىنان بەرٸ بٸردەن 17,2 پايىزعا قىمباتتاعان. بىلتىرعىمەن سالىستىرعاندا سٷت باعاسى 21,5 پايىزعا قىمباتتادى.

بيىلعى جىلدىڭ بٸرٸنشٸ توقسانىندا شيكٸ سٷتتٸ تۇتىنۋ جان باسىنا شاققاندا ورتا ەسەپپەن 3,5 ليتر بولعان, بۇل 2021 جىلدىڭ سەيكەس كەزەڭٸمەن سالىستىرعاندا بەس پايىزعا از. كٸلەگەي تۇتىنۋ, كەرٸسٸنشە, بٸر جارىم ەسە ٶسكەن, بٸراق جان باسىنا شاققاندا ورتاشا ەسەپپەن 47 ميلليليترگە دەيٸن عانا.