Densaýlyq saqtaý ministrligi Qazaqstan Respýblikasynda koronavirýs infektsiiasy shtamdarynyń ainalymyna monitoring júrgizýdi jalǵastyrýda.
Osy jyldyń sáýir-mamyr ailarynda júrgizilgen PTR skriningtiń qorytyndysy boiynsha koronavirýs infektsiiasy shtamdarynyń túrli nusqalarynyń ainalymy anyqtaldy. Barlyq óńirlerde BA.1 «Omikron» shtamy 98,6 %-da anyqtaldy, onyń ishinde 12 óńirde BA.2 «Stels-Omikron» shtamy 36,7%-da anyqtaldy, dep habarlaidy "Ult aqparat" ministrliktiń Telegram kanalyna silteme jasap.
Sondai-aq, B. 1.617-like Delta shtamy ainalymda júr jáne zertteletin synamalar sanynyń 1,4%-yn quraidy.
PTR skrining nátijelerin rastaý úshin tolyq genomdyq sekvenirleý júrgiziledi, ol aǵymdaǵy aidyń sońyna qarai aiaqtalady. Epidemiologiialyq jaǵdai turaqtanǵanyna qaramastan, ministrlik koronavirýs infektsiiasyna qarsy vaktsinatsiiany, revaktsinatsiiany ýaqtyly júrgizýdi usynady.
«6 ai buryn jáne odan da kóp ýaqyt buryn vaktsinatsiia kýrsyn alǵan adamdar revaktsinatsiialaýǵa jatatynyn esterińizge salamyz. Qazirgi ýaqytta Qazaqstanda KVI-ǵa qarsy vaktsinatsiialaý jáne revaktsinatsiialaý úshin halyqqa vaktsinalardyń 3 túri (Pfaizer, Sinofarm jáne KazVak) qoljetimdi, olardyń 2-ýin Dúniejúzilik densaýlyq saqtaý uiymy maquldaǵan», - delingen habarlamada.
