© AFP 2022 / CHRISTOF STACHE
Densaýlyq saqtaý ministri Ajar Ǵiniiat koronavirýstyń "stels-omikron" shtamyna qatysty pikir bildirdi, dep habarlaidy Sputnik Qazaqstan.
Resmi málimetke sáikes, osy ýaqytqa deiin "stels-omikron" 12 aimaqta tirkelgen.
"Koronavirýs infektsiiasynyń bul túri delta shtamǵa qaraǵanda jeńil ótedi. Biraq onyń da qaýpi bar, sebebi jyldam taralady. Koronavirýsty ekinshi ret juqtyrýǵa ákelip soqtyrady", - dedi Ǵiniiat ortalyq kommýnikatsiialar qyzmetinde ótken brifingte.
Ministrdiń aitýynsha, "stels-omikron" respýblika boiynsha tarala bastady. Biraq mamandar epidemiologiialyq jaǵdaidy baqylap keledi.
"Stels-omikronnyń" simptomdary bar naýqastar ózderi de keledi, ózimiz de anyqtaimyz. Ol adamdardyń barlyǵy qajetti em-domdy tolyqtai alyp jatyr. Aýrýdyń qazirgi sipaty karantindik sharalardy qajet etpeidi. Sondyqtan eshqandai shekteýler joq", - dep atap kórsetti Ǵiniiat.
Osy oraida ministr betperde taǵý rejimin engizýdiń de qajeti joq dedi. Biraq barlyǵy epidemiologiialyq jaǵdaiǵa bailanysty bolady.
