QR Premer-Ministri Asqar Mamin Qaraǵandy farmatsevtikalyq keshenine baryp, «Spýtnik V» vaktsinasyn óndirýdi bastap berdi, dep habarlaidy "Ult aqparat".
QR Prezidenti Qasym-Jomart Toqaev pen Resei Prezidenti Vladimir Pýtinniń arasyndaǵy ýaǵdalastyqtardy iske asyrý aiasynda keshen bazasynda kezeń-kezeńimen 2 mln doza vaktsina óndiriledi.
«Qazaqstanda óndirilgen «Spýtnik V»-men jappai vaktsinatsiia 2021 jylǵy aqpan aiynda bastalady. Birinshi kezekte ekpe erikti negizde meditsina qyzmetkerleri, pedagogter, stýdentter, quqyq qorǵaý organdarynyń qyzmetkerleri, meditsinalyq-áleýmettik mekemelerdiń kontingenti, sondai-aq sozylmaly aýrýlary bar qaýiptilik toptarynyń ókilderine salynady», — dedi A. Mamin.
QR Premer-Ministri Qazaqstanda «Spýtnik V» vaktsinasynyń ónerkásiptik óndirisin jergiliktendirýdiń erekshe mańyzdylyǵyn atap ótti.
Aldyn ala boljamǵa sáikes, Qazaqstanda koronavirýsqa qarsy vaktsina 65 jastan asqan, júrek-qan tamyry aýrýy, qant diabeti jáne sozylmaly ókpe aýrýlary bar táýekel tobyna kiretin adamdarǵa jáne meditsina qyzmetkerlerine salynatyn bolady. Vaktsina alatyndardyń boljamdy sany 2 347 000 adamdy quraidy.
Densaýlyq saqtaý ministrligi vaktsinalaý - infektsiialyq aýrýlardan qorǵanýdyń tiimdi ádisi ekenin jetkizdi. Qazaqstandyq ǵalymdar 7 vaktsina daiyndaý tehnologiiasyn jasady.
