Qazaqstanda sport tóreshileriniń jalaqysyna baǵa belgileý kóterilmek. Bul týraly QR Mádeniet jáne sport ministri Dáýren Abaev aitty, dep habarlaidy QazAqparat.
Dáýren Abaev ministrliktiń keńeitilgen alqa otyrysynda «Dene tárbiesi jáne sport týraly» Zańǵa sáikes, sport federatsiialary barlyq sanattaǵy sport tóreshilerin daiyndaýdy júzege asyrýǵa mindetti ekendigin aitty.
«Búginde elimizde 4 276 tóreshi bar. Onyń 413-i halyqaralyq sanatqa ie jáne tek 12 tóreshi ǵana Tokiodaǵy Olimpiada oiyndaryna tórelik jasaýǵa jumyldyrylǵan. Bul fakti atalǵan baǵyttaǵy jumystyń álsiz ekendigin kórsetedi», - dedi ministr.
Onyń atap ótýinshe, federatsiialardyń tóreshilerdi daiyndaýǵa múddelik tanytpaýyna jalaqynyń tómen bólýi sebep bolyp tur.
«Shýchede de aittym, sporttyq jarystyń bir kúnine qyzmet kórsetkeni úshin tóreshige 1 239 teńgeden bastap tólenedi. Osyǵan orai sporttyq tóreshilerdiń jalaqysyna baǵa belgileýdi kóterý usynysyn ázirleimiz. Bul is júzinde volonterlik, aqy tólenbeitin jumys bolyp tur. Sondyqtan osy júieni jolǵa qoiý kerek», - dedi Dáýren Abaev.
