Qazaqstanda sotty bolǵany jaily anyqtamany alyp tastaý usynyldy, - dep habarlaidy kaz.tengrinews.kz tilshisi.
"Qazirgi ýaqytta túrmeden shyqqan sottalýshylarda biraz qiyndyqtar týyp jatyr. Mysaly, sottalýshylar olarda sotty bolǵany jaily anyqtama bolǵany úshin jumysqa tura almaidy. Bul máseleni biz birneshe ret kótergen bolatynbyz, biraq, ókinishke qarai, bul másele áli de óz sheshimin tappady", - dedi Astanada ótken dóńgelek ústel barysynda Orta Aziiadaǵy PRI direktory Azamat Shambylov. Aita keteiik, dóńgelek ústel barysynda túrmeden shyqqan azamattardy saýyqtyrýǵa baǵyttalǵan keshendi joba tanystyryldy.
Azamat Shambylovtyń aitýynsha, azamattardan sotty bolǵany jaily anyqtamany suraýdyń esh qajeti joq. Ol mysal retinde Grýziia elin de aityp ótti. Grýziiada mundai anyqtamalar burynnan beri qoldanystan alynyp tastalǵan eken.
IIM Qylmystyq-atqarý júiesi komiteti basshysynyń orynbasary Meiram Aiýbaev ta osy usynysty qoldaitynyn aityp ótti.
"Bul másele strategiiada kórsetilgen, biz ony sheshemiz. Biz bul usynysty qoldaimyz, endi muny qalai júzege asyratynymyzdy oilastyramyz", - dedi Qylmystyq-atqarý júiesi komiteti basshysynyń orynbasary.
