قازاقستاندا سوتتى بولعانى جايلى انىقتامانى الىپ تاستاۋ ۇسىنىلدى, - دەپ حابارلايدى kaz.tengrinews.kz تٸلشٸسٸ.
"قازٸرگٸ ۋاقىتتا تٷرمەدەن شىققان سوتتالۋشىلاردا بٸراز قيىندىقتار تۋىپ جاتىر. مىسالى, سوتتالۋشىلار ولاردا سوتتى بولعانى جايلى انىقتاما بولعانى ٷشٸن جۇمىسقا تۇرا المايدى. بۇل مەسەلەنٸ بٸز بٸرنەشە رەت كٶتەرگەن بولاتىنبىز, بٸراق, ٶكٸنٸشكە قاراي, بۇل مەسەلە ەلٸ دە ٶز شەشٸمٸن تاپپادى", - دەدٸ استانادا ٶتكەن دٶڭگەلەك ٷستەل بارىسىندا ورتا ازيياداعى PRI ديرەكتورى ازامات شامبىلوۆ. ايتا كەتەيٸك, دٶڭگەلەك ٷستەل بارىسىندا تٷرمەدەن شىققان ازاماتتاردى ساۋىقتىرۋعا باعىتتالعان كەشەندٸ جوبا تانىستىرىلدى.
ازامات شامبىلوۆتىڭ ايتۋىنشا, ازاماتتاردان سوتتى بولعانى جايلى انىقتامانى سۇراۋدىڭ ەش قاجەتٸ جوق. ول مىسال رەتٸندە گرۋزييا ەلٸن دە ايتىپ ٶتتٸ. گرۋزييادا مۇنداي انىقتامالار بۇرىننان بەرٸ قولدانىستان الىنىپ تاستالعان ەكەن.
ٸٸم قىلمىستىق-اتقارۋ جٷيەسٸ كوميتەتٸ باسشىسىنىڭ ورىنباسارى مەيرام ايۋباەۆ تا وسى ۇسىنىستى قولدايتىنىن ايتىپ ٶتتٸ.
"بۇل مەسەلە ستراتەگييادا كٶرسەتٸلگەن, بٸز ونى شەشەمٸز. بٸز بۇل ۇسىنىستى قولدايمىز, ەندٸ مۇنى قالاي جٷزەگە اسىراتىنىمىزدى ويلاستىرامىز", - دەدٸ قىلمىستىق-اتقارۋ جٷيەسٸ كوميتەتٸ باسشىسىنىڭ ورىنباسارى.
