Qazaqstan Respýblikasynda sheteldikterdi tirkeý tártibine ózgeris engizildi, dep habarlaidy "Ult aqparat".
2020 jylǵy 11 qańtardan bastap sheteldik azamattar ishki ister organdarynda 30 kúnge deiin tirkeýden bosatylady. Bul rette, Qazaqstan Respýblikasynda ýaqytsha bolý merzimi memlekettik shekaradan ótken kúnnen bastap kúntizbelik 30 kúnnen aspaýy kerek. Shetel azamaty Qazaqstanda 30 kúnnen artyq tursa, qabyldaýshy tarap qonaqqa ýaqytsha turýǵa ruqsat resimdeýge mindetti.
Qabyldaýshy tarap 3 jumys kúni ishinde sheteldikterdiń kelgeni týraly kóshi-qon qyzmetine habarlaýǵa (habarlama) mindetti.
Habarlama rásimi www.vmp.gov.kz. viza jáne migratsiialyq portaly arqyly ótkizýge bolady.
Habarlama bolmaǵan jaǵdaida, qabyldaýshy tarap QR ÁQBtK-niń 518 baby boiynsha ákimshilik jaýapkershilikke tartylady (ishki ister organdaryna sheteldikter týraly ýaqtyly habarlaý boiynsha sharalar qabyldamaý).
Aita ketken jón, budan buryn QR Prezidenti Qasym-Jomart Toqaev Almaty qalasyn damytýǵa bailanysty ótken keńeste sheteldikterdi mindetti tirkeý siiaqty anahronizmnen qutylý kerektigin basa aitqan edi.
