Ishki ister ministrligi qazaqstandyqtardy syrttan keletin eńbek migranttarymen kelisimshart jasasqanda saq bolýdy eskertti, dep habarlaidy QazAqparat.
«Qazaqstanǵa kún kórý jáne tabys tabý maqsatynda syrttan eńbek migranttarynyń kóptep keletini barshaǵa aian. Olar kóbinese qurylys, saýda jáne qyzmet kórsetý salasynda eńbektenedi. Osy oraida politsiia qyzmetine qazaqstandyqtardan syrttan eńbek migranttaryna qatysty kóptep shaǵym túse bastady. Shaǵymnyń deni sheteldik eńbek kúshteriniń jumysty kelisimge sai istemeitindigin aitady», - dedi QR IIM-niń ókili Shuǵyla Turlybek onlain ótken baspasóz máslihatynda.
Osy oraida ishki ister ministrligi azamattardy asa saq bolýǵa jáne mindetti túrde eńbek shartyna otyrýǵa shaqyrady.
«Sheteldik eńbek migrantymen kelisimge keler aldynda mindetti túrde ol azamattyń Qazaqstanda zań aiasynda júrgenine kóz jetkizý kerek. Jáne azamattan tólqujatyn talap etip, eńbek etýge quqyly ekendigin anyqtaǵan jón. Kez kelgen shetel azamatynyń Qazaqstanda mekendeý týraly ruqsaty bolýy kerek. Sheteldik eńbek migranty kúdik týǵyzǵan jaǵdaida eńbek shartyna otyrýdyń qajeti joq. Jáne istiń aq-qarasyn anyqtaý úshin kóshi-qon qyzmeti nemese politsiiaǵa habarlasqan abzal», - deidi ol.
