Foto: pixabay.com
Zańnyń negizgi qaǵidattarynyń biri – ol erikti qaitarýdy yntalandyrý. Erikti qaitarýdyń artyqshylyǵy – sýbekt múlkiniń bir bóligin ózinde saqtap qala alady. Sonymen qatar, azamattarymyzdyń ál-aýqatyn arttyrýǵa tikelei áser etetin elge qajetti jobalardy iske asyra alady.
Bul týraly QR Bas prokýratýrasynyń Aktivterdi qaitarý jónindegi komitetiniń tóraǵasy Nurdáýlet Súiindikov OKQ alańynda ótken baspasóz konferentsiiasynda aityp berdi.
"Eń bastysy, qarajattyń Qazaqstanda jumys isteýi, salyqtyń osynda tólenýi, jańa jumys oryndarynyń ashylýy. Sondai-aq erikti túrde qaitarý kezinde sýbekt birqatar zańda kórsetilgen quqyqtyq múmkindikter men kepildikter alady. Onyń ishinde jaýaptylyqtan da bosatylýy múmkin", - dedi QR Bas prokýratýrasynyń Aktivterdi qaitarý jónindegi komitetiniń tóraǵasy Nurdáýlet Súiindikov OKQ alańynda ótken baspasóz konferentsiiasynda.
Komitet jumys istep jatqan adamdardyń kópshiligi yntymaqtastyq pen erikti túrde qaitarý rásimderine ózderi bastama jasaýda.
"Nátijesinde búginde el premer-ministri jetekshilik etetin arnaýly komissiia jalpy somasy 450 mlrd teńgege jýyq 40 astam kelisim jasaýdy maquldady. Olar zań sýbektileri men arnaýly memlekettik qorǵa 300 mlrd teńgeden astam aqsha aýdarýdy kózdeidi. Onyń 170 mlrd teńgege jýyǵy búgingi kúni qor shotyna tústi.
Jasalǵan kelisimder boiynsha 100 mlrd teńgeden astam somaǵa aktivter, memleketke zattai túsedi. 82 mlrd teńgeniń múligi qaitarylǵan aktivterdi basqarý jónindegi kompaniiaǵa berildi. Onyń ishinde, kásiporyndardyń aktsiialary men úlesteri, kommertsiialyq jáne turǵyn jailar, elimizdegi jáne sheteldegi tańdaly jyljymaityn múlik, sondai-aq jer ýchaskeleri, zergerlik buiymdar, sándi zattar jáne basqa da qundy múlik bar", - dedi spiker.
